二零二一年十月二日(星期六)
很快就來到旅程的最後一天，果然四日三夜先至夠喉。
依家好似每家自助早餐的餐廳都裝咗依部自助PANCAKE機，又真係幾好玩，小朋友好鍾意，我第一次見係2020年頭係HOTEL COZI的午市半自助餐入面。
今日吃早餐的時候，坐我們旁邊是兩個中年男人，所以對他們感到好奇，兩個男人為什麼會STAYCATION？後來聽到他們的對話，得知原來他們是新鴻基的員工，所以光顧餐廳有特別節扣，他們不是來住宿，只是來吃早餐。不過他們的食量真的嚇死人，應該是我的三至四倍。
食完早餐返酒店HEA下，逸逸同恆仔最開心就可以睇TOM & JERRY。
係床上面捐嚟捐去已經好開心
CHECK OUT喇~我地都係用依個特發智能退房，少少快喇，因為明明其他酒店EXPRESS CHECK OUT就咁將房咭放入收集箱就搞掂。
今日第一個目的地係位於酒店附近我都係第一次去又稱雀仔街的園圃街雀鳥花園。
園圃街雀鳥花園其實是由原本位於朗豪坊現址的真正的雀仔街搬遷過來，屬中式庭園建築，設有約70個雀鳥檔位給雀仔街的販商繼續經營。
這兒是愛雀之人交流心得的好地方，當日在現場也見到不少同好在傾計玩雀，依一排鳥籠唔係商品嚟架。
聽到雀仔雜亂的叫聲，不禁想起N年前RUNNING MAN曾經在園圃街雀鳥花園做過任務，就係聽完雀仔叫聲然後要入去搵返隻雀仔出嚟，真係唔做馬的話一定MISSION IMPOSSIBLE。
我地都參觀咗好多賣雀仔的檔口，也想起小時候鄰居養的雀仔。
逸逸話雀仔叫得好大聲，仲話有隻雀仔同佢SAY HELLO添﹗
我地沒有養雀仔的朋友，平日都好少在街上遇到帶雀仔上街的人，所以絕對是有趣的體驗。
園圃街雀鳥公園旁邊就是旺角大球場，作為香港人我竟然都未入過去。
下一站係花墟，我地入咗地標繽紛園藝賞花。
我就好鍾意生氣勃勃的植物
不過逸逸更喜假花的擺設
逸逸話要去洗手間，我地折返新世紀商場。
行下玩具店
行完一輪就去咗新世紀廣場的CREPE DELICIOUS吃午餐。
主菜試了BBQ PULLED PORK PUFF PIZZA同埋鴨胸長通粉，味道都唔錯。
甜品梗係要試下CREPE，選了香橙芝味，另外又試了芒雪千層，兩款都好好味。
咖啡都好飲，拉花又好靚，好滿意的一頓午餐。
飯後我地就落咗金魚街睇魚。
見到啲魚游嚟游去好可愛
不過逸逸更加鍾意兔仔同埋倉鼠，睇極都唔捨得走，好彩佢都好明白，因為我有鼻敏感，所以我地屋企唔可以養有毛的動物，不過間中去睇下都可以的。
睇完動物我地就搭車返屋企，逸逸5歲生日之類完滿結束，依家「旺角」已經成為逸逸口中「我生日間酒店個度」了。