自從屯門無咗小南國之後，都唔知去邊度食大閘蟹，近近地拉斐特又泊車方便就決定去青衣城的東海薈拉斐特。
東海一向都出名食大閘蟹，叫咗大閘蟹二人餐，每人有兩隻蟹，蟹羔都多，恆仔麻麻地蟹羔，結果我一個人食咗四個BODY十六隻腳，大滿足。不過逸逸都分享咗唔少蟹肉既，至於恆仔就淨係食咗十六隻腳。
套餐仲有茄汁煎大花蝦、京滬順嫂魚羮、蒜片安格斯牛柳粒、濃雞湯千層菜苗、家嫂臘味飯同埋蟹粉小籠包，最後以窩心薑茶湯丸作結，樣樣味道都唔錯，不過對於食大閘蟹既人嚟講，其他食物好好醜醜其實都唔太重要。
套餐的食物都唔太啱逸逸口味，所以我地特別單點了一碟鮑汁炆伊麵，依個好好味喎~
依餐大閘蟹整體都唔錯，唯一美中不足的竟然係平日我甚少關心的裝修，成個場的感覺好似好老臨咁，作為一家酒樓，聽個名仲似乎係想主力做婚宴，坐係入面覺得硬是有點奇怪。