逸逸好鍾意小動物，曾經玩扮返工遊戲會做動物照顧員，又特別鍾意同菊姨婆的貓貓玩。趁恆仔這晚要外出，我就帶逸逸去屯門的一家貓CAFE PAW PLANET同貓貓親近一下。
摸摸貓貓
用玩具逗貓貓，不過好似無乜興趣，令逸逸都有點不知所措。
場內都有五、六隻貓貓，全部都好乖唔怕人。逸逸好鍾意貓，但只要貓貓比較活躍就會驚。係度我哋發現咗一樣嘢，原來貓係會「貓貓貓貓」咁叫㗎！
快速食個晚餐，媽媽我好通氣，唔好浪費同貓貓玩的時間，餐包飲品個啲，可以拎走慢慢食慢慢飲。
食完嘢繼續玩
依隻貓貓好似好鍾意我個背囊
有個姨姨俾咗粒貓貓小食逸逸試吓餵，好好玩呀！
60分鐘體驗完滿結束，其實今次要食埋晚餐時間有點趕，下次寧願貴啲都淨係飲杯嘢入嚟同貓玩算喇！