來到8月，今次輪到疫情之下慶祝爸爸媽媽結婚週年，繼續不能外出用餐，今次又有咩新攪作？
網上見到炑八的外賣package好似都幾吸引，今次不如試吓韓燒，宣傳單張仲話消費滿$600仲話可以送貨，點知一問之下原來有點搵笨，送貨時間個range好大，單單是用來燒烤的生肉當然無問題，但套餐入面有炸雞等熟食，一早送來咪變得唔好食？所以最後還是由爸爸妹妹到店自取。
我們總共8大3小，叫了一份最強肉食套餐（4人）、一份完勝韓牛套餐（4人）及單點了一份韓國鰻魚，唔計熟食都一大堆，份量多到食唔晒。
飲杯！
我和妹妹一人帶左一個爐過來，先至可以一次過燒俾咁多人食，又要講多次，係屋企聚餐小朋友食飽可以入房玩，食得特別輕鬆自在。
由2變4再變6到依家9個，這就是家庭的擴展， Happy 41th Wedding Anniversary!