二零二零年八月十二日（星期三）
第三波疫情之下，雖然每日確診數字已由7月尾的每日過百宗下降至每日六十多宗，但仍然有大量源頭不明的個案，不論室內還是室外的公眾地方都強制要戴口罩，食肆晚市嚴禁堂食，除咗我還要在非home office的日子出門上班，以及全家一星期兩次去爸爸媽媽家吃飯之外，連落樓下平台公園行下都可免則免，基本上都是困在家裏。難得的放一星期大假，決定去郊野公園走走，雖然要繼續戴住口罩，不能呼吸一下新鮮空氣，都起碼出去曬下太陽。
我們選擇近近地去大棠郊野公園，因為那兒有泊車位，也有大草地可以俾逸逸跑下玩下泡泡。
去到目的地先發現原來郊野公園都封晒，乜唔係淨係封燒烤爐咩？明明7月尾政府進一步收緊防疫措施食肆全日禁止堂食的時候，張建宗仲叫在戶外工作的僱員去郊野公園食飯，乜原來唔得架？
好彩依度仲有行山徑，依條路年尾過來的話可以欣賞到美麗的紅葉。
行山都要保持社交距離，其實我地依一日條行山徑都係得好少人，但D人就唔多聽話，本身政府實施緊二人限聚令，但就遇到一望就知是非同住關係的多人群組，也遇到沒有乖乖戴口罩的人。
出發喇，跑呀～～
沿路欣賞一下大自然的風景
逸逸一見到泡泡就會瘋狂
依枝泡泡槍真係功不可沒
快樂真的可以好簡單
我們沒有行太遠就回程，一來逸逸太耐無運動唔知佢狀態點，如果無力要抱就搵自己笨；二來天氣有點風雲變色，驚會落雨，不過都叫做出左一身汗，玩得開心盡興。
遠眺深圳市，想起去年12月的家族慶生小旅行。依家唔好講搭飛機旅行，連一河之隔的深圳都唔知幾時先去到。
PS 幸好有先見之明，上車沒多久就開始下起雨來了。