有一次無意之間在Facebook發現了Pop Pop Party的宣傳。
專為3-10歲小朋友的演出，有魔術表演同故事分享，仲要係屯門大會堂咁方便，喜愛戲劇的我雖然對普劇場無乜認識都即刻報名參加。
節目全長大約一小時，逸逸全程積極參與，非常投入，果然4歲係唔同啲。節目主要分為兩部份，分別係Andy哥哥魔術表演，以及羊咩咩與大灰狼的小劇場，當中與小朋友的互動很多，逸逸都會積極舉手參加，也會大聲回答問題，還有份參與了其中一個魔術表演，玩得好開心。
特別嘉賓係將會係聖誕節上演劇目《Poppy聖誕歷險記》的主角小狗Poppy，逸逸主動話可以自己同Poppy影相，不用媽媽陪。
臨走又話好鍾意羊咩咩，所以特登返轉頭搵羊咩咩合照呢！