有一段時間，每年都要食最少一次大閘蟹，後來因為預備懷孕，到第二年的坐月期，到第三年及第四年逸逸年紀太少根本無耐性陪我食蟹，事隔五年，終於又再重投大閘蟹的懷抱。
因為方便的原故，再次光顧屯門的小南國，不過屯門小南國已於10月29日結業，下年就要搵過第二個地方食大閘蟹了，好可惜啊！
大閘蟹套餐的菜單跟五年前差不多，價錢也相約，咁筍？無可能喇，最大的分別就是五年前的二人餐有四隻蟹，五年後就得返兩隻蟹，所以五年間的通脹就是兩隻大閘蟹。
小南國的食物一向都很有水準，今次多了逸逸和我們分享食物，就額外多點了一份炸銀絲卷，好味道。兩隻大閘蟹都是我喜歡的蟹公，蟹的Size就細左d，大約是3両半左右，不過蟹膏的量也OK，吃著黏黏的蟹膏真的有種非常幸福的感覺。
今年最大的驚喜是那溫熱了的紹興酒，好正！
————————————————————-
今年除了食左小南國大閘蟹之外，住在內地的同事還趁著網上正在做優惠，訂了一堆五両重的大閘蟹請我們吃。
䕄熟左都仲有我隻手掌咁大，真係唔講得笑，食完兩隻，飯都唔駛食。在小南國吃蟹時，太幼的蟹腳也懶得吃，但這些大蟹，根本就沒有太幼的蟹腳，全部都很容易處理。
蟹膏多到飛起，超級滿足。