THREE DAYS ESCAPE TO DISNEY – DAY 3 – 海底奇兵小天地

二零一九年十月十三日(星期日)

今日是恆仔和我的結婚12週年,Happy Anniversary! Happy Always!

起床之後大家輪流梳洗的時間,逸逸的指定動作就是看卡通片。

今天早上的目標就是探索家度假酒店的PLAYROOM,所以CHECK OUT之後就駕車過去探索家度假酒店吃早餐。

所以我們又來到星航圖咖啡廳了。跟影廠酒廊相比,星航圖咖啡廳的早餐選擇比較多,價錢也便宜一點,不過每份早餐的份量卻比影廊酒廊細一半,食物味道也是影廠酒廊較佳,所以我比較喜歡影廊酒廊的早餐。

因為我要飲咖啡,所以選了米奇窩夫。

恆仔就選了粥配炒麵加豆漿,唔通佢睇中左個幾粒花生?

依個公仔是CHECK OUT前買的,由第一日係Disney store 逸逸就好鍾意依隻原價三百幾特價$99Duffy的朋友Cookie,去到第三日仍然好鍾意佢,連埋有減$10 coupon咁抵就買左俾佢。

我問逸逸:知唔知佢叫咩名?
逸逸滿有自信的答:奶酪狗

原來因為Cookie個樣好似麵包超人入面逸逸很喜歡的奶酪狗,所以才得到逸逸的歡心。所以依家佢個名叫做奶酪狗Cookie。

其實我都買左個米妮野餐盒俾自己,因為真係實在太靚了,又係第一日已經睇中左,第三日仍然好鍾意所以決定買返屋企。依家其實逸逸玩得最多,不過我堅持依個係我的玩具,逸逸要玩的話要先問准我。

因為今年逸逸的生日禮物入面有扭螺絲工具,逸逸亦因此學識左扭水樽蓋。

原來探索家度假酒店的PLAYROOM海底奇兵小天地不是隨時隨地的進入,而是分了一個個session,所以門外大排長龍。

不過原來這個時段還有一些類似TREASURE HUNT的活動,部分人拿了工作紙就出發去酒店各處尋寶,我們就繼續排隊等候入場。

海底奇兵小天地是三間酒店PLAYROOM之中最大的,有大滑梯加繩網、小滑梯、大積木,還有電影播放專區,我們當日就正在播放反斗車王。感覺上這個PLAYROOM比較適合大一點的孩子,逸逸這個年紀的好像香港迪士尼樂園酒店的童話天地比較啱玩。

依個playroom 我最鍾意就係依個可以用透明彩色圓柱砌圖案的玩意。

真係好靚

我都忍唔住玩埋一份

小滑梯設計其實唔係咁好,上面平台空間太窄,有小朋友玩緊牆身玩具時,想行去玩滑梯的小小朋友好易跌落黎。

大滑梯的設計也麻麻地,因為滑梯速度好快,滑落嚟落點一定是地下的墊,但Playroom其實唔算闊落,要上樓梯進入隻大船一定要繞過地墊,好多小朋友玩起上嚟就癲晒,成日忍唔住穿過地墊嚟跑,雖然已有職員長時間駐守地墊位置,都發生過碰撞事件。

如果唔好理家長最關心的安全問題,對小孩來說這個大滑梯都應該好好玩,因為逸逸玩完又玩,連職員都忍唔住同逸逸講:你真係好鍾意玩滑梯喎。

直至這一節完畢,其實逸逸都未算盡興,不過有見近排週末下午開始街上都不太安全,我們還是趕在中午回家比較好,於是我們就離開迪士尼,而我們的三日兩夜迪士尼之旅也完滿結束,今次真的有離開了香港的放鬆感覺呢!

Comments

comments

發表迴響

你的電子郵件位址並不會被公開。 必要欄位標記為 *