一年前的八月，妹妹預約了大樹先生的家，結果因為十號風球而取消，一年後的同一天的翌日，我們來到了位於啟德郵輪碼頭的紙飛機親子空間。
妹妹預約了7PM，不過因為星期五的下班高峰時段頗塞車，我們一家三口來到的時候已經差不多7:30PM了。遲到也有一個好處，逸逸整天都沒有睡覺，她也是爭取在車程上好好休息一下，才有精神去玩。
進入紙飛機親子空間，要先在門口脫鞋子，中央是用餐區，圍住用餐區就是各式各樣的玩意，因為時間有限，幫逸逸脫好鞋子，就直接帶住逸逸去搵已經玩緊既曉曉同詩詩，唔好浪費時間嘛~
詩詩係帳幕前同婆婆玩遊戲~
曉曉就玩緊大型娃娃屋
逸逸先同詩詩一齊駕駛車車同埋飛機熱下身先~
之後就當然要試下依度的GIMMICK木粒沙池了。木粒好輕身，未夠兩歲的逸逸都夠力自己畢。另外木粒的表面很光滑，小朋友玩起上來好安全。不過唯獨是喜歡放東西入口的危險份子例如詩詩，見到木粒沙池就要去遠D了。
逸逸正係木粒沙池玩得興起，食物就上桌，結果逸逸不情不願的跟我們去吃飯。
這兒的特色是吃中菜，以親子餐廳來說很少見。
我們一行六大兩小一B點了一份包括有中式泡菜、入味蝦油浸雞、爆汁話梅蕃茄以及靈隱尋味素鵝的拼盤B、水晶蟹粉獅子頭、小蔥金錢蛋、果味糖醋排骨、上湯鮮茄豆苗以及創意牛柳年糕，再配白飯來吃。因為小朋友趕住食完野去玩，所以都無空閒影低食物相。
食物整體味道都有水準，不過部份菜式在餐牌無註明有辣但吃起來有微辣，作為以小朋友為主角的親子餐廳來說就好似唔係咁好，另外，我們其實還點了一個彈牙鮮蝦魚餅一直沒有上桌，追問之下才知送錯左去另一桌，無奈只好取消，但整體變成唔係太夠餸。
8:30PM LAST ORDER職員有問是否要加單，本來爸爸話不如再加點甜品，不過我覺得同食野相比，不如花時間同小朋友玩好過，兩個小時的時間又要吃飯又要玩真係唔太足夠，所以我其實唔太喜歡這種好多野玩的親子餐廳概念。
食完飯曉曉去左廚房同埋市集玩，逸逸完全無興趣。
爬下攀架玩下滑梯就三個小朋友都啱
不過逸逸最鍾情的還是推BB車
以及玩木粒沙池
推BB車木粒沙池無限LOOP，對我們來說咁多野唔試下好浪費，不過諗深一層其實最緊要係小朋友開心。
同媽媽一齊坐熊熊櫈同兔兔櫈
木粒沙池上面有一個角樓，逸逸猛咁要上樓梯，上到去又唔敢自己落黎要我地抱，我要求佢自己上就一定要自己落，落得唔穩陣最多我扶下佢，但唔可以試都唔試就要抱。
同表姐仔一齊係閣樓合照，恆仔話曉曉久違了的自願同佢合照喎，不過其實佢自己都知曉曉只係一心同逸逸合照，哈哈。
話咁快就到9PM要離開了，逸逸明顯係玩得未夠盡興，我地下次再一齊玩過喇~
今日郵輪碼頭有船泊岸，媽媽話架船大到好似成間酒店咁，逸逸聽到之後講：”我地依家返酒店，DOG DOG車係房入面”，證明逸逸對於去旅行住酒店的印象幾深刻。