吃過午飯，我地繼續行程喇~反正今天下午沒有什麼特別的計劃，既然買了電鐵的一日票，不如下午的節目就決定遊電車河，想係邊度落車就落車周圍逛下喇。
我地係番東山站上車，初步的目標是搭到去兩線共通的柳川站，再轉清輝橋線去清輝橋站。
今次搭到既係普通版電車，不過特別之處係車上面竟然有扭蛋機。
搭到去西大寺町站，見到對面有條商店街，我話不如落車逛下喇~
逸逸都醒左，我地係商店街的長椅上坐下，逸逸的午飯是我們給她在超市買的飯糰以及早兩天吃兒童餐時帶走的蘋果汁。
商店街其中一個舖位，竟然是RSK RADIO (山陽放送)的STUDIO，每逢星期一至五1:00PM-4:30PM都會有公開放送，我們見到現場有一個伯伯FANS拿著一疊左邊的主持人田中愛的相片，上網一SEARCH都搵到田中愛的資料架。雖然我地聽唔明白佢地講緊乜野，但都覺得有趣。
見路就行，商店街越來越靚~
其中一個位置竟然有兒童遊樂場，逸逸大多兩三個月就已經好啱玩，但當時剛剛才1歲的她對依個不感興趣。
行下行下我地竟然行到天滿屋，而天滿屋入面又俾我地發現左大阪人氣PANCAKE店GRAM，諗住鄉下地方有無機會試下該店的人氣PREMIUM PANCAKE，點知上午的QUOTA都係售罄，下午請早。
適逢美少女戰士20週年，除了日本的7-11有美少女戰士CROSSOVER MY MELODY的產品之外，GU都有美少女系列衣服，T-SHIRT、上衣、連衣裙和牛仔褲都有，最後買了一件T-SHIRT給美少女戰士FANS阿妹，另外我們在這兒也買了一些衣服，價錢也很相宜。
恆仔提過想去書店找四驅車書，發現隔離商場クレド岡山有紀伊國屋書店，於是上去睇下，自己搵都搵唔到恆仔想要的書籍，最後要勞煩店員幫我們找。
爸爸睇書，逸逸就周圍EXPLORE下書店的各個部份，我見地面好乾淨，都懶得幫逸逸著番對鞋。
又周圍同店員姐姐SOCIAL，攪到店員姐姐掛住同佢玩無心工作，哈哈。
依個商場可能正在整頓中，有D舖剛剛搬左位，亦有好多吉舖，所以成層吉左的商場都整左靚靚卡通牌。
商場對出原來就是清輝橋線的郵便局前站，睇完書我地繼續遊電車河。
站個度有好厲害的電子INFORMATION，成個岡山路面電車運行中的列車去到邊一目了然，連架車係咩款都SHOW到出來，所以想捕捉小玉列車的影踪其實都無難度。
我地又上車喇~
好快又黎到清輝橋線的終點詀清輝橋站
到此一遊
依度其實都無乜野睇
電車站的對面有一家佛寺 – 惠日山妙福寺。
門口有一個好可愛的和尚仔，同逸逸好似樣呀~
時間差唔多，我地要搭電車番去酒店拎行李，因為今日黃昏我地要搭電車去鳥取呀﹗
去到火車站先由恆仔睇住行李，我去TOURIST INFORMATION換禮物。因為岡山縣由2017年10月1日至2018年2月28日正舉行桃太郎紀念戳章收集活動，在14個岡山縣內的觀光點設有紀念戳章，收集最少兩個戳章已經可以換領禮物，因為我們在岡山城及倉敷都分別收集了戳章，所以可以獲得桃太郎膠紙。另凡持有JR西日本鐵路周遊券的旅客都可以換領岡山桃太郎徽章，所以可以一次過領取兩份禮物，不容錯過。
今天的晚餐打算在火車上吃便當，所以要預留時間在火車站買便當。便當的款色很多，我揀了有岡山風味的蝦飯做主菜，恆仔㨂的便當可即場自選三款養生飯，各有特色。
我地又係超級市場買左盒燒賣當下午茶，雖然凍食味道都OK，逸逸都食左一粒。
上車喇，我們乘搭5:24PM的スーパーいなば 9番前往鳥取市，中間停6個站，7:17PM到達鳥取。原來去到第一個站之後要全體將座椅轉方向，好彩我地無打算咁快食晚餐，如果唔係就麻煩了。
日本的便當很神奇，擺盤精美之餘，凍食都好好味~
在鳥取我們入住站對面的APA酒店鳥取駅前，位置非常方便，轉個彎就有便利店。不過我們出站時見到站外漆黑一片非常冷清，跟岡山有強烈的對比，原來鳥取才算是鄉下。
今次我們將兩張單人床拍埋一齊，逸逸係上面爬來爬去，玩得好開心呢！