逸逸不是第一次參加飲宴，第一次是在她3M22D時參加爸爸朋友的兒子包仔的百日宴，那時她不喜歡飲宴的嘈吵，開席沒多久就不肯留在席間，要媽媽抱出酒樓外安撫，還要提早離開。
第二次參加飲宴已經是今次參加聰聰表舅父的婚宴，逸逸已經大個左好多，仲可以同我地分享同一的食物。
因為下午瞓左兩個鐘頭晏覺，逸逸今晚精神奕奕，雖然開頭好怕醜要黏住媽媽，但係仍然捉住媽媽手要行來行去好似出SHOW咁。不過後來同大家熟落左之後，又肯同嘉銘表舅父HIGH FIVE，又摸摸萍姑婆件閃閃晚裝，出到去RECEPTION COUNTER除左好鐘意MONCHICHI之外，又主動同佢著同一色系的姊妹姐姐HELLO，萍姑婆仲笑逸逸係咪一齊做姊妹添﹗
今晚逸逸由頭帶到落尾咁滯，食左鴻運金豬全體的乳豬、XO錦銹明蝦球的蝦肉、金銀鮮蟹拑的蟹拑、發財瑤柱甫的菜菜、原盅燉花膠湯除左飲左好多湯湯仲食晒成隻花膠、原隻鮑魚扣花菇的菇菇、清蒸東星斑的魚魚，不過脆皮雞就無食，因為出左去玩…
圍個大圓圈，轉呀轉呀轉…
同表姐排排坐(一陣間)
後面變左逸逸和曉曉的遊樂場
番黎之後食左伊麵，之後婆婆又俾逸逸食糖水。
最後仲要食埋西瓜添﹗仲唔係由頭帶到落尾？