去年知道宜家傢私荃灣店將要在2017年第四季開幕的消息時逸逸才剛滿月，當時的反應是開得黎逸逸都已經可以係入面跑步步了。
宜家最終在今年十月中開幕，逸逸未至於可以跑步步，但拖住爸爸媽媽周圍走已經絕對無問題喇！
上星期六相約妹妹同曉曉一齊去逛新宜家，平時坐車我們是超級擠迫戶，因為後座放有逸逸的car seat，但逸逸除了weekday早上肯坐car seat去褓母度之外，其他時間是拒絕坐上去，於是我抱住逸逸妹妹抱住曉曉擠在兩個位入面，轉個身都無位。
隨住妹妹的肚子越來越大，加上逸逸都肯跟阿妹，又鐘意同曉曉表姐玩，於是今次妹妹一拖二坐後座，我坐去前面，大成功！不過全程我都唔敢出聲，以免逸逸發現到我。
IKEA荃灣店係中染大廈，由地鐵站行過去都幾遠，結果行到過去曉曉已經用左她大部分的體力了。
逸逸去到就開始她的afternoon nap，所以開頭只有曉曉自己玩。
瞓醒就可以兩個一齊玩，佢地兩個好有交流架！大愛這套兒童戶外傢私。
因為逸逸唔肯坐小椅子，所以我地想買一張係屋企俾逸逸練習，於是叫曉曉幫手㨂同埋教逸逸坐，曉老師真係好有心機教架。
大家休息一下先。曉曉大個女好多主意，會話媽媽坐依度，姨媽姨丈逸bb坐個度。
去到兒童部，番左學既曉曉獨立同埋勇敢左好多，主動話要去兒童碌架床那有如秘密機地的下隔床玩，仲要預埋逸逸逸。
入面仲安裝左燈掣，可以開燈關燈。
曉曉仲玩左兒童轉轉椅，仲有帳幕同埋係玩具枱玩左一陣，逸逸年紀太少競爭力太低怕她有危險，所以捉番她上hip seat。
曉曉已經筋疲力盡，但因為setting問題，加上人多擠迫，要離開也困難重重，唯有用雪糕來吸引她繼續撐下去。
終於去到快餐美食亭，逸逸可以食熱狗包包。
曉曉也可以享用乳酪雪糕
恐怕曉曉食完雪糕時只剩下1%電，因為一離開IKEA她就累倒了，辛苦妹妹要抱曉曉去搭車呢！