之前也有留意到759阿信屋不單拓展業務開雲吞麵店，又涉足於麵包店，最近又聽說打算開傳統糖水舖，諗頭多多，媒體也造成不少回響，不過，因為新店都不是在我居住的區域開設，所以對於新店的位置也沒有特別留意。
年初二到老爺奶奶家拜年，突然驚覺原來759麵包工房正正就開左婆家樓下，當然也不要錯過試試他們家出品的機會。
麵包店自設製作工房，顧客可從玻璃望到製作麵包的情況，看起來也乾淨企理。麵包的款式頗多，傳統的新款的都有，我們買了菠蘿包、紅豆包及一條長法包，持阿信屋會員卡再有九折，埋單不用$20，也算經濟實惠。
麵包放了一天才吃，所以不能直接評論出爐麵包的質素，不過經焗爐翻熱後味道也不錯，而且是實實在在不花巧的麵包，不會吃完像一陣風。
報告完畢！
三個麵包唔駛$20，今時今日嚟講真係好平啦，要係街坊麵包鋪至有嘅價錢，只要唔算特別難食，for周邊居民嚟講已經係好選擇﹗不過以實而不華嘅麵包嚟講，恐怕不足以吸引區外人專程去買吧～
最重要係三個麵包入面有一條法國麵包，相片入面只係切左三分一黎食，所以真係好平。
我諗佢都唔係諗住吸引外區人，如果唔係都唔會揀開係山上面既樂華南村，個度基本上唔係居民都唔會去。