近排煮飯的時候發覺好容易黏鑊，就算油已煮得很滾，也確保油掃到鑊的每一個部份，食物還是黏在鑊上，不過，反正洗鑊的不是我，所以我也沒有努力去查探黏鑊的原因。
昨晚，在網上瀏覽村的BLOG，在他介紹橙汁魚柳這道菜的時候，提醒大家要燒熱鑊才落油，否則會黏鑊的。哎呀~原來我一直弄錯了﹗我以為是要油熱才不會黏鑊，原來是鑊熱才可落油…
昨天阿恆從CITYSUPER買了一塊百多元的牛扒回來，所以今天的晚餐是吃西餐。正當我煎牛扒的時候，當然要試試先燒紅獲才下油，果然沒有黏鑊，真神奇呢﹗所以，學好煮房的基本功，絕對能讓廚藝事半功倍呢﹗
一塊牛扒兩份吃，還有茄汁意粉、墨魚扒、西蘭花及忌廉磨菇湯。不過煎牛扒的時候壓力很大，怕弄得不好浪費了牛扒。雖然今次弄得還算不錯，不過下次吃貴牛扒還是上館子吃好了…
係唔係隻鑊夠熱會使到食物的表面超快熟左，熟左的食物會結實d和收縮，所以不會黏住隻鑊呢?
[版主回覆03/18/2008 12:11:00]但係我既經驗係：
開火但鑊未熱→落油→油滾→下菜→黏底
開火鑊熱→落油→油滾→下菜→不黏底
以你的理論，只要菜下之前鑊夠熱就可以了…
煮什麼也好，記住個鑊紅透才好落油，但建議搵條濕毛巾鋪住對手，否則油彈到落手，痛極呢﹗
[版主回覆03/17/2008 13:52:00]但係究竟個原理係咩呢？
wei~ uHnsUi:
你而家都有o黎睇我姐姐個blog呀？heehee~
[版主回覆03/17/2008 13:52:00]可能因為我岩岩係佢個blog度留過言..
為什麼燒紅了鑊才下油就不黏呢？個中原因還得查找。煎魚又如何？各方下廚同好，可一同做做實驗。
[版主回覆03/16/2008 22:23:00]真的不知道喎…要研究下先…
賣相不錯喎,似乎你煮西餐比較拿手!!!!
[版主回覆03/16/2008 22:15:00]我也覺得西餐較易煮…如果家中有焗爐的話可以有更多的變化呢﹗
你煮既西餐又幾靚喎, 拍得住鬼妹煮0個d呀.
[版主回覆03/16/2008 14:44:00]謝謝﹗其實全部都很簡單，因為汁料都是現成的…
真的? 不過我相信有些鑊未燒紅也不會黏鑊.
[版主回覆03/16/2008 14:43:00]可能因為我用的是生鐵鑊吧﹗所以燒熱鑊後才落油對於不黏鑊的成效很顯著呢﹗