今天回家時看到一張屋苑通告，內容有關日前屋苑有一居民經常到會所搗亂，除了不停喧鬧，利用相機近距離拍攝職員，近日更在一職員耳邊尖叫引致該職員短暫性失聰。
很多人在公司受盡委屈，回家就對著管理處的職員無理取鬧，更要高呼：「我是業主，我是你老細，是我養你的﹗」
業主A單位內設施損壞影響到業主B，職員軟硬兼施叫業主A進行維修，業主A仍當職員無到，業主B則投訴職員無能。職員只是一個中間人，除了教業主B控告業主A，還可以做到什麼？
住客要求職員提供一些方便或特別優惠，職員拒絕往往都會被住客投訴到總公司說他們沒禮貌。
住客經常喜歡向管理處職員說粗言穢語。我常常提醒同事，住客用粗口鬧你，千萬不要用粗口或不禮貌回應，如果你沒有錯，公司會為你主持公道；如果你說了粗口或不禮貌，一定是你錯。
有些年資久的前線人員，不知為什麼年紀這麼大仍然這麼大火氣，被人無理取鬧兩句就非常生氣，雖然沒有不禮貌對待住客，但回到OFFICE總要發泄一番。我常常笑說你們的人工要包括要被人罵的。
雖然只是做了幾年物業管理，但也看得很化，被人用粗口指著罵也臉不改容，還會禮貌的提醒說粗口的人尊重自己，不要說髒話。
看得化還看得化，做錯事被責罵是天經地義，不過，為什麼我們要當那些業主的出氣袋呢？
我經常同人講, 很多人將丫理當道理.
住我樓上有個肥仔經常喺度拉椅子, 跳, call管理員同佢地講, 佢媽媽話佢無做, 無跳, 只係喺度行之孖, 又可能係個D野嘈咋, 唔關佢地事, 管理員都好無奈同我地講, 我都想知想問依個係咩世界黎架？
[版主回覆04/26/2008 11:44:00]世事無奇不有…
我接過一宗投訴是關於樓上住客經常在客廳中央的地板剁肉餅對下層住戶造成滋擾…
尊重自己,尊重別人.這句話都係架,不過有時你尊重別人,但別人未必尊重你喎.
[版主回覆04/26/2008 09:32:00]但係你連別人都唔尊重…點要求人地尊重你呢？
學得懂尊重別人, 別人自然會尊重對你, 對著無理取鬧, 任佢鬧, 鬧夠佢自然會走, 無謂同佢斤斤計較, 做個快活人
[版主回覆04/26/2008 09:30:00]HAHA…其實只要佢鬧得無理…我係無錯既….我就會唔當佢鬧緊我…咁樣日子會容易過d…反而係d年紀較大既同事睇唔化…
不過真係唔明，點解某幾個行業既人真係特別俾人鬧得勁d既…
好多時我地既情況係我地同某業主講你唔可以做乜乜乜…因為會影響到其他居民…佢地會話你唔好係度阿吱阿jor….依家我養你架….
情況就好似一個差佬去捉賊…然後個賊同佢講我有交稅架…我養你架…你竟然捉我？
依個係咩世界黎架？