近日工作非常忙碌,放工回家經常身心而累得要死,所以很少煮飯,昨天原本打算去買餸,結果買了兩盒燒味飯回家當晚餐。
今天趁著早了點下班,試試弄點新菜,點綴一下每晚攤在梳化如死屍般的晚上。
參考了人氣網誌通之廚房的推介,試作了日式薑汁燒豚肉。
為了烹調這個菜,要特地去超級市場買調味料呢﹗
杯裝清酒…煮完餸可以飲埋佢…唔知會唔會飲醉呢?
妹妹買給我的味醂終於有用武之地了﹗
其實食譜是經過我的修改:
- 沒有依食譜下洋葱,因為在超級市場每次買洋葱最少要買三四個,要何時才吃得完?
- 通少教用日本豉油,但我只用生抽代替,因為弄一味餸而特地買支日本豉油似乎浪費了一點。
其實味道不錯,不過外表不太漂亮,而且恆仔不愛吃金菇,所以不算是成功之作,下次只用洋葱去煮豬肉應該會較受歡迎,加點老抽上色外表應該會較漂亮。
不要緊,失敗乃成功之母嘛﹗
味醂是甚麼東西?有甚麼味道?也可以換其他調味料代替嗎?
[版主回覆07/25/2008 22:41:00]味醂即是甜的清酒…不知可用什麼代替呢?
其實洋蔥好緊要, 因為熟洋蔥帶甜味, 會香口同好味啲
日本豉油同老抽咁深色, 所以色水會好啲, 同埋會濃味啲
下次有機會再試吓啦
[版主回覆07/24/2008 09:28:00]HAHA…因為我自己唔係十分喜歡吃洋葱…所以買唔到一個就算囉…不過下次再試過喇…
其實日本豉油除左色水深d之外…仲有咩分別呢?等我睇下可唔可以再加其他調味料去補一下味道的不足嘛…THX