【明報專訊】「全球版大富翁」噚日終於推出啦，香港今次搭到尾班車，成功爭取加入「大富翁」嘅新棋盤，都算係一種榮譽。話說大富翁之前搞咗個全球網上投票活動，以票數決定邊個城市可以加入棋盤，總共有500萬人投票，香港就曾經一度「告急」，但最後都能夠以第7名嘅成績入選。

不過，玩開大富翁嘅人都知道，「地價」愈高就愈矜貴，香港出名地價高，雖然今次喺棋盤上嘅地價，及不上最貴嘅加拿大    蒙特利爾，亦不及開普敦同巴黎等，不過都能列於第三貴嘅區域，貴過北京、倫敦、紐約同東京等大城市，都算相當架勢。

1000粉絲齊試玩 創健力士紀錄

新大富翁即將全球同步推出，噚晚10點，全球20個城市超過1000個大富翁「粉絲」仲一齊試玩，創造咗健力士世界紀錄    。

新版大富翁入面有22個城市，今次仲加入咗電子銀行、理財卡同拍賣按鈕代替鈔票做買賣嘅交易模式，而交通除咗傳統嘅鐵路之外，仲加入咗「海路」同「航空」，聽落都幾先進，但玩法當然同傳統大富翁大同小異啦。

有大富翁活動，當然唔少得96年世界大富翁大賽冠軍、本地校園文學作家畢華流啦！肥畢噚日都有試玩，仲即場傳授大富翁秘笈。佢話，大富翁係一種好「微妙」嘅遊戲，重視技術策略之餘，當然都要靠運氣。對於之前有電視台請咗位「大富翁專家」教路，肥畢就好有意見﹕「佢居然話玩大富翁要留前鬥後，見到地唔好買住，咁講梗係大錯特錯喇，玩大富翁最緊要先掃晒啲地，因為地會升值，咁先至可以幫你揾到錢嘛！」

———————————————————————————————–

小時候一班表兄弟姊妹聚頭，其中一個最喜愛的活動就是玩大富翁。跟玩UNO、飛行棋等遊戲一樣，小孩子玩遊戲從不細閱說明書，於是各家各派的人聚首一堂，遊戲途中遇著因為遊戲規則不同而引起紛爭是常有的事。印象最深刻的是其中一個自小已很緊張錢銀、試過跟我們玩大富翁玩到又哭又發脾氣的小表弟，今天已成為一位會計師，而且今個月中小登科…時間過得真快﹗

正式開始了解大富翁的真正玩法，是閱讀過畢華流的《蒙地卡羅戰記》，這本書主要講述畢華流到蒙地卡羅參加大富翁比賽奪得冠軍的故事，當中亦指出了不少大眾對大富翁遊戲規則的誤解以及介紹了其正確玩法。

不過，我還是覺得自己玩開的VERSION較為有趣。

踏入中學之後已與大富翁紙版遊戲絕緣，改為玩電腦版大富翁。電腦版大富翁雖然好玩，但卻欠缺了一大班人哄在一起的那份熱鬧感覺。

大約在大半年前，忘記了在那途徑知道了將推出全球版大富翁，還接受投票以決定新版大富翁的版圖包括那一個城市。那時，就像立法會選舉一樣，傳來香港告急的消息，於是我也每天定時定候到有關網頁投票。今天，全球版大富翁終於推出，香港亦已第七名的姿態成為全球版大富翁的一份子，我也有份作出貢獻的啊﹗

昨晚跟恆仔逛街，在玩具反斗城見到全球版大富翁現已有售，三百多元一盒。恆仔曾說過不如買一盒回家，不過當我想起我們可能只會拿出來玩一次就會將它收藏到禁地之內永遠不見天日，立即打消了購買的念頭，還是以寫BLOG的形式記錄一下就算了﹗