一覺醒來，外面嘅風景總係叫人不厭其煩地欣賞、讚歎同埋怒影相﹗﹗﹗ 深藍、蔚藍、彩藍、天藍、藍綠⋯I love海～～～～～～如果自己住嘅地方有咁嘅景色實在太幸福了～～～ 同角度嘅Diamond Head好似尋日入住Park Shore Waikiki時已經影過同埋post過，但依然忍唔住再影再post～另一方面，今日嘅Diamond Head對我哋嚟講又別具意義嘅，因為今日嘅節目係－－攀登Diamond Head﹗ 今日星期六，去Diamond Head行山已經係一早定好嘅節目，事關山腳嘅community college停車場每逢星期六早上都有farmer’s market，所以打算順便去「趁墟」～反正係輕鬆行程，我哋決定出去食個靚早餐先～ 又係一個天氣晴朗嘅日子，星期六早上氣氛都悠閒啲呢～ 我哋揀咗酒店附近嘅Lulu’s Waikiki餐廳食早餐，開揚景觀，餐牌選擇又多，試下啦～ 雖然價錢唔平，但早上生意都唔錯喎，我哋都冇得坐窗邊位lu～餐廳係滑浪主題，裝飾有滑浪板，電視上播放嘅係滑浪比賽，我哋以前都未睇過滑浪比賽呢～ 為咗唔好食得咁heavy，我哋揀咗Healthy Choices底下嘅Garden Isle Scramble，有雜菜芝士蛋白奄列、全麥多士、水果杯，我就飲橙汁，day當然係咖啡啦～不過可能都係太素，食完飽就飽，但滿足感就好似差少少⋯下次都係要食番少少肉⋯:p同埋唔知鬼佬係咪唔識得用鹽水浸住切好嘅新鮮菠蘿呢？夏威夷食到嘅菠蘿好多時都比較刺激喉嚨，嗱，要好好學習啦～

我哋去食嘅Lulu’s Waikiki：

http://www.luluswaikiki.com/index.html 我哋返酒店執捨好裝備再出發﹗其實有巴士去Diamond Head山腳嘅入口，但巴士唔知等幾耐一班又要搵個站，Google Map話行過去都係半個鐘鬆啲，我哋索性行路過去咯～沿路發現美國真係好多人跑步，尤其係女人﹗係香港，日頭好曬嘅時候好少係街上見到人跑步，黃昏之後會多少少，但都唔似得係美國，無論係之前加州嘅Campbell定係夏威夷嘅威基基，經常都見到啲好fit嘅人跑步鍛練呢～ 經過路邊有可愛嘅母雞帶住雞仔們～ 到咗Kapiolani Community College了，咦，前面一個個帳蓬就係farmer’s market啦～ 可惜我哋早餐實在太mi-mo，去到farmer’s market時已經開始收拾，準備收工了，隨便望望，有啲賣小食、有啲賣護膚品咁～我哋結果⋯最有建設性嘅只係係呢度去咗個廁所咋⋯ anyway，上山去﹗其實資料都有講，路程只係一個鐘頭鬆啲，有一段路比較多樓梯，相信對我哋嚟講應該都輕鬆嘅，不過最大嘅挑戰係，猛猛嘅太陽同炎熱嘅天氣丫﹗唔知啲水夠唔夠飲？ 入去trail之前要經過隧道，好似金田一入面啲深山村落咁，如果裡面有殺人魔，佢就會炸咗條隧道﹗﹗ 呢幅圖講解咗路程～原來呢條trail 1908年就建成了﹗而前係有軍事作用，利用高嘅地勢嚟監察嘅呢～ 只係高咗少少，景色已經不得了～ Diamond Head行山嘅目的，就係要登高望遠，從另一個角度欣賞呢個島囉～ 前半段唔算太斜，但路面比較爛，凹凸不平又多石頭，要小心望住條路行～由中段至終點要連續行好多好多梯級，好在先嗰排都多運動，所以都冇乜失禮～條路好曬，好在戴咗頂闊邊帽，但即使搽咗好多防曬，我都覺得會曬燶丫﹗ 終於到咗山頂了﹗100分嘅景觀，完全可以飽覽威基基嘅全貌呢～ 難得嘅景色，搵咗個遊客同我地影張合照，發覺我哋原來需要一個自拍神器﹗﹗ 無敵海景～呢度講解咗我哋所在位置，同埋其他地方嘅方向呢～ 我哋遠處見到平平山頂嘅Diamond Head應該就係呢個凹位了，相信好耐好耐以前係火山口？﹗ 係Facebook贏得唔少like嘅美麗海景&我～呵呵～ 落山就容易得多了，我哋有一個目標，就係落山要飲凍嘢﹗﹗gogogo～ Diamond Head嘅visitor center好細，只有少少展板同埋少量紀念品賣，反而多人聚集嘅係呢架小食truck﹗沿途最多見到人食嘅就係刨冰，原來彩虹刨冰係夏威夷特產呢，不過俾著我嘛，呢啲「假味」刨冰就不甚吸引了，我同day仲係度討論，如果要制作彩色刨冰又要用真果汁又要夠繽紛，點樣至好～因為唔食假味刨冰，我哋食咗漢堡包同埋pina colada smoothie，兩樣都好正﹗真材實料，肉烤得香香的，加埋夠新鮮夠脆嘅新鮮蔬菜，正～smoothie味道都好rich呢～呢度有大大草地有樹蔭，係度野餐一流丫﹗返到嚟香港都好想去下野餐呢，地點有咩好推介？

食飽飽，今次出番去我哋唔靠對腳啦，搭番巴士出威基基，去下一站－－Ala Moana Center～

我哋去嘅Diamond Head：

http://www.hawaiistateparks.org/parks/oahu/Index.cfm?park_id=15

待續

前往其他美國旅遊blog

Comments

comments