哎??，今日搞到咁夜先打blog blog，係因為…哼哼…因為day俾我帶o黎玩o既電腦game「英雄傳說–空之軌跡SC」，食完飯就玩呀玩、玩呀玩，玩到好晏先收手…

講番今朝先啦~其實attachment方面都冇一個好official o既時間表，基本上我o地想做乜就做乜，豐儉由人，咁我o地都唔會太hea o既~大概都係九點幾番到去醫院，咁就分頭行事了，係ward round開始之前，MO dr rajdatt好主動咁帶我o地睇o左個case喎，係一個ischaemic stroke o既case，都有好多physical sign，佢又同我o地睇CT scan~呢個patient有UMN o既hemifacial weakness嘛， 後來佢又show o左另一個有facial weakness o既case，o個個就LMN lesion o黎o既，對照一下都幾好~平時係香港要搵到呢D case都唔容易o架~

佢仲帶我o地睇o左一張chest x-ray，o個個patient係HIV positive o既，然後有miliary TB，張x-ray即是好似resp professor最favourite o既題目o個種啦~都唔係未見過~不過我想講o既係，估唔到係印度呢度HIV同埋TB o既prevalence都咁高o既同時，stigmata都好嚴重喎，為o左忌諱講HIV呢幾隻字，佢o地會形容佢o地做「seropositive(血清陽性)」或者「immunocompromised(免疫力不足)」，都係D好vague o既字~咁immunocompromised o既原因好多家嘛，好似用緊化療藥，又或者食緊類固醇都可以導致immunocompromised，但係呢度就有特別意思了~

今日o既ward round只有dr singh出場，professor又冇見到，但今日佢o地都好匆匆忙忙呀，勁多case要round，所以都冇乜點理我o地添，中段有D位又聽唔到佢o地講乜(細聲+印度口音英文)，我甚至雙腳跟住佢o地，思想就飄o左去第二度了…

call番chan’s team，決定下晝先番o黎繼續，於是係中間呢段時間去o左internet cafe上網同埋去食飯~去用電腦除o左要做各人自己o既o野之外，我o地仲要係網上繼續book o個間肉酸酒店啦，同埋要print D東東出o黎~經過尋晚長時間o既討論之後，對於attachment完o左之後o既旅程有o左定案，我o地預備好行程表，同埋要買o既火車班次、日期等資料，要print佢出o黎，今日落堂去訂票~umum…我仲做o左一件偉大工程，呵呵，係internet cafe o既某一部電腦安裝o左skype~

internet cafe所處o既走廊~好似民宒的地方…

internet cafe o既招牌~

食完飯之後番去醫院啦，都係諗住睇下有咩OPD就上咩OPD o架啦~點知new building一樓又係paedi，而地下就係surgical OPD，諗住join chan’s team o既endocrine(內分泌科) OPD啦，佢o地個doctor又講錯佢o地知，原來係上晝先有喎~咁樣呀，冇堂上？提早去買火車飛啦~

火車見到好壯觀o既飯盒﹗印度o既「送飯事業」好興旺o架~

又見到頭頂重物o既神技﹗勁﹗

搭火車過去churchgate o既訂票中心，上次去aurangabad見識過佢o地o既辦事速度了，所以都預o左會搞到天黑…我o地坐低填好晒九分application form(我o地總共有咁多程火車o架~)就去排foreigner隊了~等個staff幫我o地check D火車班次(我o地自己預備好o既係睇o個本時間表書搵o既~)同埋availability時，個心係度卜卜跳，有咩差池就會好麻煩了…又唔知要點改行程了，呢個行程好難先come up出o黎家嘛~同埋，如果有一站斷o左o既話又收唔到科…好在呢，改動少少就ok了~而家總算complete到個circuit﹗買好晒票啦﹗雖然我深信，呢個咁辛苦o既schedule會到時令各人唔夠瞓、?、跟住躁、肝火上升，最終發火…但有得去總好過冇得去丫~原本諗住最長o個兩程(17個鐘同埋26個鐘)會坐2AC class(冷氣二層)，但原來都唔到我o地揀，因為所有AC class o既位實在太少了，想花錢都冇機會花，結果嘛，只有一程，即是由delhi去gaya o個程先有得搭，其他全部都搭sleeper class，都好丫，慳勁多錢﹗而家計晒全部車程，夾埋都係HK$800左右咋~已經係車上面瞓o左好多晚了~yeah~我o地結果頭尾用o左一個半鐘係買飛o個度，上次買兩程飛都要一個鐘，今次算好快啦，不過…後面積o左好長條隊﹗而且大家都「變o左紅色」了~

我o地買完飛之後就有一條長長o既隊係foreigners’ counter了﹗

為o左慶祝買好晒飛(而事實上一早就有打算去做以下o既事…只係求其搵個名堂)，我o地去o左上次食過o個間超高級素菜餐廳食tea﹗餐廳外面有戶外o既位置，一邊食cake，一邊食雪糕~我o地去o左食cake，我要o左一件swiss truffle同埋熱咖啡，件蛋糕都幾好味，有D似以前聖誕節時搭飛機食過o既樹頭蛋糕，但我覺得甜o左D o者，要用咖啡o黎送，而且食到尾有D膩了~反而我好欣賞杯咖啡呀﹗好好味~好香~好耐冇飲過咁好味o既咖啡了~其他人有D叫cheese cake，有D叫tarts~好平好平呀﹗我兩樣o野加埋都係Rs65(HK$13)﹗﹗﹗哇~係香港只夠係大家樂食西多士~呢種高級餐廳o既cake…即使只係strawberry forever都要三十幾蚊啦~其實我o地除o左o個次食過dinner之外，都有係o個度買過兩次麵包，有個貌似pizza包o既都幾好味o架，可惜我o地去完印度會留台灣兩日啦，如果唔係可以帶番香港俾大家試下~

我o既swiss truffle同埋咖啡~

connie就要cheese cake~

幾多靚靚蛋糕同埋朱古力~

因為係veg餐廳，所以雞蛋都唔同，令我諗起妙手小廚師…

我o地都係度買過好幾次麵飽~

食完tea，係茶座吱喳多陣就走lu，希望避開繁忙時間~行去搭45號巴士，可以直接番到酒店樓下~去巴士站途中經過舊書攤子，哇，好多檔連埋一齊，勁多書，而且包羅萬有，好吸引啊，我o地都睇o左一陣，有人都有收獲添呢~

書攤~

等巴士等o左好耐呀，莫非o岩o岩走o左班車？其他巴士都好逼，希望我o地o個架擠得上啦~車來了，上車時都唔算太逼，人人有位坐，但後來…越來越逼﹗我估有D人個身體係係車廂外面的(只有手腳係車廂入面…)﹗問人問車長，終於順利係正確位置落車，真好~搭巴士雖然耐D，但起碼冇火車咁糟糕~

room service~(個芒果係自備的…)

因為之前食tea食得飽嘛，番到o黎先叫room service，第一次叫咋，唔知質素如何，我o地女孩子房叫o左alu paratha同埋egg fried rice，味道都ok丫，未至於瞇瞇眼，勝在方便嘛~呢個時候其實我都開始分心了…呵呵~開始玩game﹗

呢個game好難玩呀(我差D想打長途電話俾day問佢點玩…)~成日輸﹗但又好吸引喎~連connie都唔洗衫住坐係我隔離好專心的睇，同我一齊呼叫，同我一齊諗諗點打﹗聽日又想玩，但又唔想中毒，點算好呢？

要瞓啦，夜了~

待續

前往其他印度旅遊blog

Comments

comments