hee~又係打完機先打diary呢~而家依然玩緊序章，但已經去到第二個地方，森林o既尾聲了，打埋大佬應該就可以逃出去啦~不過HP同埋EP都得好少，暫時唔應該挑戰住，所以都係逃走先，番去營地休息一陣，補充晒HP、EP先再去挑戰過﹗哈哈，唔知我講乜？叫day解釋啦﹗反正係佢介紹我玩o既~本來都有D沮喪o架啦，係個森林度行o黎行去都行唔出去…但玩玩下又發現o左新o野(條河可以行落去﹗)，玩玩下又發現多DD(出口o既告示牌)﹗(<–其實會唔會係玩到某D條件就會啟動一D發展呢？唔知道﹗)所以咪玩落去o羅~我玩時connie又坐係側邊睇喎，大家有商有量，都幾好﹗不過好搞笑o既係，佢提議用連鎖戰技一次過打o個D藤波波，但佢o地死o左會自爆家嘛，結果我o地兩個隊員一次過被爆死o左…

哈，講番D正經o野啦~今日番學都full day呀~我同kelvin跟o個個team今朝睇OPD，本身我o地都諗住跟~去到時姑娘話professor會係一號房睇症，我o地都坐定定等o架啦~但接到stanley o既電話，佢同我o地講今日infectious disease(傳染病)個post-grad course D schedule喎，又好吸引喎，所以咪直接去聽o羅~OPD o個度唔緊要o既，反正又冇同doctor約好，而且去聽書都係正經事﹗而且比attach OPD更難得啊﹗

OPD o既環境，係教書o個間房先咁大間o架咋~

去到時有早餐食﹗好似QM o個D course咁，都一樣有自助餐食o架~我o地係酒店已經食飽o左先o黎，所以食我就冇喇，但就飲o左杯chai(即是超甜奶茶呀~)o羅~

上晝有五堂，分別係febrile emergency、malaria、leptospirosis、dengue fever同埋enteric fever，大部份都係我o地唔熟悉o既topic呀，有得一次過聽晒都幾好~不過D lecture o既質素就比較參差o羅~我覺得dr karnad教o既malaria教得最好，雖然有D o野對住我o地undergrad o黎講比較深入，但佢o既presentation結構好清晰，所以聽起o黎唔會太重~good﹗dengue fever o個堂實在講得太太太太太快了…

lunch又有自助午餐呀~我o地都留係度食，有幾款汁啦，都係veg o既菜式，有我o地熟悉o既dal(煮剝殼綠豆)、jeera rice(白飯之中夾入香料)、paneer汁(cottage cheese o既汁)、細細塊o既paratha，另外仲有小薯餅同埋上次係婚禮食過o既「湯丸」(呢個我就冇食了，因為上次食過實在太甜了，頂唔順…)~全部都好味呀，最犀利就係，樣樣?都熱騰騰的﹗

下晝我同女生們冇上第一堂lecture，佢o地兩個下星期開始attach兒科嘛，要去搵paedi o既professor，我見對第一堂冇乜興趣，咪同埋佢o地一齊o羅~

KEM就似一個動物園﹗鳥類只係小兒科…係病房會見到貓同埋蟾蛇，走廊會有狗~外面有松鼠﹗

之後都番去seminar room上埋下晝o個幾堂，哎??，唔知係個人太累丫，定係質素真係差D呢，唔係太專心聽到佢講咩添，加上係冷氣房太耐，又覺得好凍喎，下晝o既experience真係麻麻地~好不容易捱到聽完所有lecture先走，出到去仲有贊助個function o既藥廠派禮物俾我o地，正如connie講得好，真係「又食又拎」﹗哈~

跟住都番去酒店啦，成日咁聽書都累了~我o地都係去附近食個飯就休息啦~

待續

前往其他印度旅遊blog

Comments

comments