今日o既attachment都好有趣呀﹗第一次「出診」了﹗我o地跟PSM都係為o左呢個目的之嘛~

朝早番醫院第一件事係去MICU度搵之前內科跟過o既醫生，想搵佢o地簽assessment
form，但後來我就同大家分頭行事了，因為講好九點幾番到PSM報到嘛，如果夠鐘都未見人就唔好啦~但…因為咁我錯失o左了﹗MICU有party呀，好似要歡送某某人？﹗有o野食﹗呢個都係其次，最重要o既係，我miss o左同MICU幾個醫生o既大合照，有我o地所喜愛o既「眼仔碌碌」醫生、「白頭佬」醫生同埋team head~好慘啊~希望之後有得補番同佢o地影啦~

十點幾去到GOPD集合，我o地十點半出發去community clinic，兩個醫生帶我o地去，Aarti係resident，Hashad(??spelling)係houseman，另外仲有一個social worker叔叔同埋第二D工作人員一齊去~架車係KEM附近兜幾個彎，轉入去一條好顛簸o既小路，之後豁然開朗，左邊一大遍空地，右邊一楝矮矮o既建築物，我同kelvin一齊高呼，噢，有冇咁橋？﹗呢度咪就係我o地第二日o黎到印度時參加婚禮o既地方o羅？﹗哇，咁都撞得中，真犀利﹗

診所係結婚個hall旁邊o既一間小屋，staff打開門，入面有兩張大?，我o地三個就同兩個醫生坐係對住門口張大?喇﹗好興奮啊，我o地都有被分派工作~我負責記錄o黎睇醫生o既病人o既資料，姓名、年齡、性別、病症、處方等等~而男生們就負責量血壓、配藥，配藥o既意思即是由裝住藥o既大罐大樽，倒出適當o既粒數，包裝好俾病人~個clinic一星期run三日，每次一個鐘，專為住係附近o既窮苦大眾服務，佢o地除o左第一次睇o黎時，登記要俾錢之外，以後都係免費了~亦因為免費，所以有得開o既藥非常有限，所有高血壓都係俾amlodipine﹗其他藥物都係最basic o個種~平均每次有十個左右o既病人o黎睇醫生啦，今日算多了，有十三個~

兩個醫生都好nice nice呀~我o地都有吱喳同埋影相﹗原來Aarti今日生日，佢仲請我o地食朱古力添~

番到KEM都到食飯時間了，connie同埋angela o既paedi round未結束，我o地三個先去食飯~之前見人o地食D餐包配D睇落好好味o既橙色汁，我一直都好想試下呀，尋日問過個名，叫做pav bahji，今日終於試了，哇，真係好好味呀﹗個汁入面有好香濃o既牛油味，又有薯仔粉粉o既質感，微微o既辣，加上香脆o既生洋?粒，好正啊﹗好想再去食﹗另外叫o既masala kichidi都幾好食~好滿意呀~呢間餐廳被我冠以「賓至如歸3」o既稱號，因為我o地食完pav bahji時，仲有D汁未食晒，正用廣東話商量要唔要叫多份餐包時，個經理就走過o黎問我o地需唔需要了，真係善解人意呢~

食完飯後去o左上網，一方面要做自己o野啦，另一方面都有D公家事要辦，要搵之後旅行o既酒店啦，搵weekend個trip o既少少資料啦~

下晝我o地再跟尋日去過o既immunization clinic，尋日主要聽個醫生解釋D o野，今日就正式去睇D醫生姑娘做o野~有間房係幫D小朋友磅重，問下有冇打針o contraindication，另外就有間打針房~成日唔明白點解一間房要咁多個人一齊做o野呢？會唔會有D係冗員？打針的話，唔係一個醫生一個護士就ok了？點解有四個人係度？﹗古怪~

另外又有個well baby clinic，專for D出世大約兩星期o既BB，媽咪帶佢o地番o黎俾醫生做檢查，同埋問下佢食o野?覺o唔ok之類，醫生再俾番D照顧BB o既advice D媽咪啦，因為傳統習俗o既緣故，佢o地會用油幫BB按摩，但咁樣會刺激BB幼?o既皮膚，佢o地又會滴油落BB個鼻，但咁會有機會導致肺炎，另外佢o地又會用煙薰D黑色o既點點係BB塊面、額頭度，如果唔小心整到眼，又會令眼睛發炎…所以有好多o野要提醒D媽媽o架~

落堂再去上網，我o地唔單止搵D合適o既酒店，可以的話直情book埋添lu，我o地火車票都買好晒喇，條路線點行其實都定o左~訂好晒D o野安心D o既~

之後就番去cotton green join埋兩個女生去食飯啦~呢間火車站附近o既veg小鋪頭我o地都幫襯過好多次了，但恐怕要被除名啦，食物味道係好，但問題係上菜太慢﹗等好耐好耐好耐好耐~~~~哎??~似乎得番遠少少靚少少o個間剩了…

番酒店前經過一間雜貨鋪，之前都有留意見到有鎖同埋鎖鍊賣，我o地都諗住遲D搭長途火車時買o黎鎖行李，咁既然而家有得賣咯，咪買埋o羅，o個個人問我o地買o黎做乜…呵呵，難道佢覺得我o地買o黎做壞事？﹗例如綁架之類？﹗唔係?？

聽日係五一勞動節，又有假期了，要plan一plan聽日去邊度玩~

待續

前往其他印度旅遊blog

Comments

comments