我們2:30PM才在美國村吃完午餐，下一個行程是恩納海濱公園NABI海灘，希望能趕及參加上網一早搵定但沒有預約3:30PM – 5:00PM的香蕉船+浮潛活動。
沖繩就是不停的塞車，這兒和美國村只有不到30KM的距離，我們3:22PM才來到恩納海濱公園NABI海灘。
幸好辦公大樓很好找，逸逸一來到就說要上廁所，於是我告訴恆仔我計劃要參加的活動之後就由恆仔跟職員溝通。我們一去完廁所出來，恆仔就說職員雖然臉有難色但都讓我們報名參加，條件是5分鐘要換好衫過來集合，於是就裙拉褲甩的立即去換衫和寄存隨身物品，結果急得滯只帶有一個電話+一個透明潛水袋，都好過無喇~
依度有好多不同的活動可以參加，有興趣可以先上官網睇下詳情。
我們今次參加的香蕉船+浮潛活動
集合之後就派發裝備包括救生衣、蛙鞋以及浮潛面罩，同埋講解點樣穿著和使用，教練全程講日文，不過單純肢體動作都睇得明既。
恩納海濱公園NABI海灘係一個好靚的海灘，右邊是ANA萬座海濱洲際酒店，右邊就是沖繩有名的景點萬座毛。
水上活動就在這兒出發，左邊就是萬座毛，水中央兩塊並排的岩石被稱為「TOBERA岩」的夫妻岩，據說是自古以來人們來這兒祈求航海安全、夫妻圓滿、子孫興旺的聖地。
我們乘坐的香蕉船，參加者坐在香蕉船的兩邊，蛙鞋和浮潛面罩就放在中間。
救練駕駛水上電單車
我們的教練
出發喇~我們先坐香蕉船從海中欣賞萬座毛，再去海中心浮潛。我也是第一次坐香蕉船，速度好快非常刺激，坐在逸逸前面的恆仔因為睇唔到所以特別擔心逸逸唔夠力會跌落水，仲想反手扶住後面的逸逸，因為佢睇唔到逸逸個樣有幾ENJOY，仲話正過食雪糕雪條喎。
萬座毛
教練將香蕉船駛至合適的位置，然後大家在船上面穿好裝備就可以落水喇。對於識游水的人來說，浮潛一學就上手。教練全程講日文，我都唔知佢有冇講最多可以游幾遠，不過眼睛一直追踪住美麗的珊瑚以及可愛活潑的熱帶魚，好容易忘我地越游越遠。
海底世界真係好靚，第一次被珊瑚和色彩繽紛的魚仔所迷惑，絕對會上癮，iPhone真係影唔出海底的美。
逸逸一來仲未好熟習放個頭落水，二來都接受唔到箍得緊緊的浮潛面罩，於是教練預備咗個小朋友專用筒仔俾逸逸。原來依個筒底係透明的，用筒仔睇魚一樣咁清楚。最無奈只係俾個水泡困住咗，因為教練要將所有唔識游水的參加者的水泡縛在一起，確保他們的安全。
恆仔因為流鼻水所以都無潛落水，同逸逸一樣用筒仔睇魚。
有個日本男孩子潛落水底搵到隻藍色的海星，仲拎咗俾逸逸，其實我地個教練都搵咗條黑炆炆大大條的生物俾我哋摸，好硬架～
今次浮潛真係好難忘，下次有機會一定要再去，逸逸仲的起心肝話要快啲學識游水，下次浮潛唔駛再俾個水泡困住。
玩完浮潛我地就返沙灘玩多陣沙
不過太陽都幾猛，都係落水好啲。
同我的小甜心一齊玩下水
恩納海濱公園NABI海灘都有沖身設備，又係用100円沖身，不過依度只得2分鐘咋，好彩早前為咗露營沖涼我地儲定咗一大袋100円。
沖好身我地就駕車去酒店，其實我地入住的酒店恩納和風酒店北海莊就係沙灘的對面馬路咋，超級方便。