參觀完彩虹小屋我們又再上旅遊車再次出發,下一個節目係搭PUFFY BILLY蒸氣火車。
車程要大約一個小時,我們當然唔可以浪費時間,因為逸逸聖誕節的網上數學功課好多,多到做極都做唔完,所以今次特登買一張上網咭俾佢專門用來坐車時做數學功課。
大約3PM,我們來到前往LAKESIDE火車站了。
我們第一時間進入LAKESIDE VISITOR CENTRE
依度有好靚的LEGO蒸氣小火車。
又有大大棵聖誕樹可以影相:聖誕快樂﹗
不過最重要係入去THE RAILWAY CAFE吃午餐,吃的都係最一般的漢堡、炸雞塊和薯條,還有ICED MOCHA同埋士多啤梨奶昔。
餐廳樓底好高,環境好舒服。
食完午餐就出嚟行下,依架就係蒸氣火車了,嗚…嗚…
其實LAKESIDE站係BELGRAVE TO LAKESIDE RETURN依個行程的中途站,設計上乘客由BELGRAVE搭蒸氣火車來到LAKESIDE站會係依度玩下再回程,按上圖可連至官網了解詳情。
司機+導遊阿JEFF約我們4:15PM在火車站集合,因為佢要等去程的伙伴來到先至拿到我們回程的門票,依家仲未夠鐘我地先周圍逛下。
LAKESIDE站其實位於EMERALD LAKE PARK入面,依度有個好靚的EMERALD LAKE,遊人可以係度玩水上單車,又可以係湖邊野餐,附近仲有好多不同的步道可以享受一下大自然。
環境真係好舒服
係湖邊上返嚟,LAKESIDE VISITOR CENTRE的另一邊就係火車站。
好古老的磅,留意一下旁邊的SIGNAGE,講坐係車廂邊的安全要求。依架蒸氣小火車的其中一個特點係可以延續百年的傳統,直接坐係車廂邊,不過上網又睇到有資訊話因為安全原因唔容許再坐,後來發現原來只係部份路段更改咗規定,我們今次坐的路段係可以延續傳統的,真好﹗
同蒸氣火車合影
我們將要乘坐BELGRAVE TO LAKESIDE段。
睇下逸逸幾興奮~
出發喇~蒸氣火車係車頭煙囪出煙是意料中事,但沒有想過原來起動時係會同時出白煙和黑煙,白煙是蒸氣,黑煙是燒煤的煙,很有趣。
自小的教育係坐車千祈唔好伸頭、手同埋腳出車廂外,係啱啱上車時保守的我們還是乖乖坐在車廂內。
不過好快貪玩的我就按奈不住了,真係好刺激呀~
初段車道就在旁邊,路上的司機會跟我們揮手。
有馬行的路就是馬路
我們一路上會穿越SHERBROOKE FOREST,它屬於溫帶雨林的生態,所以我們在一路上可以看到很多羊齒類植物。
按上圖感受一下行駛中的蒸氣小火車
完全感受到火車穿越森林的奇幻感覺
火車爬到高處又豁然開朗
途經一個中途站,沒有人上落車,不過站務員依舊穿著整齊制服執勤,聽說這條路線不少站務員是已經退休的義工來的。
火車繼續向前走
欣賞兩旁的溫帶雨林植物
欣賞美麗的澳洲大自然風光
逸逸終於鼓氣勇氣坐到車廂邊上面了,不過開頭我都係有啲擔心,因為逸逸太瘦,好擔心她扶唔穩會係空隙滑出去。
慢慢就開始自己坐穩了,不過根據小火車的安全規定,小朋友一定要有大人攬住,所以一個大人最多只可以顧兩個小孩,左右兩邊各一個。
這是經典的木棧橋路段
即刻叫恆仔攬返住逸逸,我則立即跑去搵個靚位影返張靚相先。
很像我們看小火車迪迪寶入面火車頭的屋企
到站了,大家都紛紛下車。
我地影返張經典合照先
我們來到BELGRAVE站
依個一小時的旅程真係好正呀﹗
不時嗚嗚聲叫的火車頭
可愛的POSTER
今日就係依架蒸氣小火車帶我地玩架喇~
出到嚟阿JEFF同架旅遊車已經係外面等緊我地喇~