二零二三年十二月二十四日(星期日)
今天預約了參加LOCAL TOUR一日遊，原本行程資訊說是8:00AM集合，不過會按火車時間調整，集合時間會在出發前一天通知。昨天收到短訊集合時間為12:00，對於我們來說絕對是一個喜訊，一來昨天晚上可以玩夜一點，今天又有一個早上可以悠閒的逛逛市集吃早餐。
恆仔因為身體不適留在酒店，所以今天早上是我和逸逸兩母女的二人世界。
我帶住逸逸來到QUEEN VICTORIA MARKET食早餐，遠遠看到有人踩高蹺扮演小天使，可惜因為人太多，我們追唔切上去影相。
人頭湧湧充滿活力的QUEEN VICTORIA MARKET。
去市場買嘢梗係覺得應該用現金，點知一開始就撞板，買DANISH時店員話NO CASH，結果全程全部ELECTRONIC PAYMENT，而且唔單止係QUEEN VICTORIA MARKET，而係成個澳洲之旅基本上都係用APPLE PAY走天涯。不過人地個個俾錢放部電話埋去”嘟”就搞掂，我就次次都要入密碼好狼狽，不過習慣咗就順暢好多。
逸逸的RASPBERRY DANISH香甜，我的德國熱狗腸皮脆肉JUICY，加埋杯清甜西瓜汁，正﹗
不過因為人實在太多，我們找不到桌子好好坐下來。
不過坐在長椅吃早餐也沒有關係
食早餐期間，我們遇到聖誕老人和聖誕姐姐。
逸逸身上掛著Elsa與Olaf的相機，聖誕姐姐嘗試與逸逸答話。
聖誕姐姐：聖誕老人來自北極，係好凍的地方，同Olaf一樣。
我問聖誕老人：你識唔識Olaf?
聖誕老人：我唔識佢，平日我工作好忙，但係聖誕姐姐識佢。
OH! REALLY?逸逸唔係太夠膽講英文，睇嚟第時去旅行要俾多啲機會佢去講下嘢。
我仲未飲咖啡，見到MARKET入面有間好受歡迎的咖啡店，不過見到等候的人潮就嚇跑了我。
我沒有很高要求，對面小店隨便買一杯就可以了，味道也不錯呀~
逸逸幫恆仔揀咗葡撻，外賣速遞返酒店俾恆仔做早餐。
我們大約11:30AM出門，集合地點又係要搭兩個站免費電車去返MELBOURNE TOWN HALL附近。
STATE LIBRARY OF VICTORIA對出有活動，見到好多警察係度維持秩序，特別留意一下。原來這是關於支持解放巴勒斯坦的宣傳，見到攤位上除了展示巴勒斯坦的國旗之外，旁邊還有一張陌生的旗幟，上網查一下得悉這是澳洲原住民旗，因為有激進的澳洲原住民認為巴勒斯坦人面對的情況與他們相類似。
以巴衝突背後的百年恩怨，點都理不清，現在雙方還要打緊仗，咁敏感的時刻在街上設攤檔，難怪政府要落重兵睇住。
在MELBOURNE付費乘搭公共交通工具一定要買myki，唔可以用現金，亦不可以用信用咭，不過myki自助販賣機都唔少既。
我們的集合地點是30 RUSSELL STREET，其實就是GRAND HYATT MELBOURNE旁邊，所以我們再次經過ST PAUL’S CATHEDRAL。
再向前行原來會經過都算係MELBOURNE CBD旅遊點之一的塗鴉街HOISER LANE，見到好多旅客在拍照，我地都影埋一份。
間CHANNEL好有型呀~