影完和服換返好衫，我地行返去縣廳前站附近搵地方吃午餐。
記得酒店對面有間睇落似似地商場的大廈，原來是沖繩縣唯一一間的百貨公司RYUBO 琉貿百貨，點解門口聚咗咁多人既？
原來有跳舞表演睇，都幾精彩。
外面仲有美食車添~
不過我地實在又熱又累，所以都係正正經經搵間餐廳坐低食午餐，最後揀左位於4樓的SOY SOY CAFE。
我食咗超級豐富的是日推介SOY SOY PLATE，主菜是豆乳蜜糖芥末三文魚，特別推介它的湯豆腐，好好味。
恆仔就食咖哩雞飯，都係有美味的湯豆腐架~
逸逸係蔬菜多士配忌廉湯，全部都係健康的食物。
加埋冰涼的飲品，舒服晒~
食飽午餐又行咗一陣百貨公司，之後就去發源於沖繩美軍基地的BLUE SEAL食雪糕，
BLUE SEAL的其中一個賣點就是OKINAWA FAVOUR，今次我試咗沖繩田芋芝士蛋糕，逸逸就貪靚食咗彩色的大紅花芒果。
星期日變咗行人專用區的國際通
去國際通再行下買啲手信，再買埋苦瓜汁先返酒店休息。雖然沖繩苦瓜好出名，但係我都係掛住台北西門町檸檬屋的蜂蜜白玉苦瓜汁多啲。
返酒店休息咗大約一個半鐘，由於我地預約咗7:00PM係酒店下面的餐廳吃晚飯，大約6:15PM先係國際通逛一陣街。
成條國際通都係各式各樣的手信店，同埋好多影相位。
逸逸變咗一條魚
沖繩的風獅爺「シーサー」
依間舖頭成間玩具店咁~
典型日本卡通的伯伯
大怪獸哥斯拉
超級懷舊的零食
大白鯊我唔驚你呀~
當DON DON DONKI開到屯門都有的時候，來到日本就唔再花時間逛了。
穿過市場本通大約行2分鐘就係沖繩景點牧志市場，可惜我地唔夠時間過去逛逛了。
依度仲有係香港已經消失多時的BIG ECHO。
不同品牌的沖繩午餐肉飯團，不過我地反而見唔到最有人氣的PORK TAMAGO ONIGIRI。
今天我們就是預約了這家島唄と沖縄料理ちぬまん。
主要食沖繩料理
同埋聽歌，氣氛真係好熱鬧 – 請按上圖聽歌。
我地點咗好多食物，包括刺身拼盤、煎午餐肉及雞蛋、海葡萄、三枚肉、墨魚汁麵以及烤黑毛豬，好味道。
飯後甜品係芒果汁
同埋芒果雪糕
臨瞓仲飲埋依支曾經是日本最火紅惖飲品行咗幾日今日終於買到的益力多Y1000，比平日的益力升級10倍，活性乳酸菌達到1000億，號稱「擁有史上最高密度的乳酸菌」，據說除了促進腸臟健康之外，仲可以減壓同埋改善睡眠質素，咁神奇點都要試下喇~
不過其實飲完又唔覺得有咩特別……