二零二三年十二月二十三日(星期六)
其實都無瞓得幾耐，澳洲時間6:45AM，即係香港時間3:45AM，就送早餐來了。
本來跟之前睇的MENU係西式的煙肉炒蛋同埋點心炒麵對選，派餐時則變成炒蛋或水果拼盆，無乜點瞓覺唔係太食得落嘢，我同恆仔都揀水果拼盆。
雖然逸逸的早餐因為是SPECIAL MEAL最早送來，但我們讓她多睡半個鐘才起床用餐。
我們在澳洲時間8:30AM終於來到墨爾本了﹗原來對上一次來這個城市已經是接近30年前的事了。
過關拎行李都好順利，大約40分鐘已經可以離開機場。
因為澳洲沒有通用的交通卡，我們停留的主要城市都各有不同，但每個城市都是蜻蜓點水式的停留，所以有得揀都盡可能不想買交通卡。因為墨爾本市中心有FREE TRAM ZONE，基本上我們在墨爾本都用不到交通卡，所以出發前已決定要在這兒直接坐的士去酒店。
沒想過UBER在澳洲是如此的普及，一出機場就見到UBER的COUNTER和排隊上車位置，因為上網看過的士比UBER較貴，所以立即在手機安裝UBER APP，然後就開展了我人生的第一趟UBER旅程。
逸逸今次都帶咗相機，好積極咁周圍影相。包括幫我們影合照。墨爾本的溫度比我們想像中還冷，穿著衛衣+外套也不會覺得熱。
由墨爾本機場前往市中心的酒店價錢為A$49.5，澳洲的公共交通價錢也不便宜，我們三個人乘搭UBER也很化算。而且坐UBER上車前已經知道收費，直接透過電話付款，我們同司機都安心，
今次我們住在QUEEN VICTORIA MARKET附近的IBIS MELBOURNE HOTEL AND APARTMENTS。本來我在AGODA BOOK咗比較近SOUTHERN CROSS STATION的HOLIDAY INN EXPRESS MELBOURNE LITTLE COLLINS，諗住機場過來比較方便，後來租車之後發現要拎住大件行李過去租車公司攞車好麻煩，又好似天意咁當時我特登加咗少少錢可以免費取消，於是就轉咗去依家住的IBIS MELBOURNE HOTEL AND APARTMENTS，行兩個街口就已經係租車公司。
雖然大家都因為瞓得唔夠其實好疲累，恆仔仲發冷同埋好唔舒服添，但係咁早酒店未有得CHECK IN，唯一的選擇係酒店寄存好行李就開始今天早上的行程，
IBIS MELBOURNE HOTEL AND APARTMENTS位於皇家墨爾本理工大學(RMIT)校區附近，最近的輕軌站其實係RMIT UNIVERSITY/SWANSTON ST站，不過就剛剛離開了FREE TRAM ZONE一個站，所以我們會走路至MELBOURNE CENTRAL STATION / STATE LIBRARY OF VICTORIA站搭免費車。
一轉彎過來就見到外觀好亮麗的MELBOURNE CITY BATHS，是墨爾本最古老及最有歷史價值的建築物之一，於1860年已經投入服務，服務墨爾本人超過160年，入面有游泳池、健身室等設施，因為在紐西蘭旅行時曾在充滿歷史的BLUE BATH游水好難忘，都有一絲念頭係MELBOURNE CITY BATHS游下水。
經過便利店入去逛下，見到依個軟糖陣真係好震撼。
我地決定搵個地方食早餐先，我地去咗MELBOURNE CENTRAL MALL搵食。
MELBOURNE CENTRAL MALL係一個充滿故事的商場。
逸逸身後的紅磚屋是一家建於1889年的子彈工廠（COOPS SHOT TOWER），在1973年維多利亞政府將這個子彈工廠列為特殊歷史建築，並下令不得拆除，所以買下這塊地的財團就搵咗日本著名建築師黑川紀章，用一個巨大的玻璃錐體將整棟建築物罩起來，令子彈工廠完美融入商場的整體設計之中。
聖誕裝飾配合玻璃圓錐體天花，真係好有型。
子彈工廠的對面掛有一個重達2000公斤的全世界最大的巨型懷錶THE MARIONETTE FOB WATCH，回來翻查資料才知道原來每逢整點係懷錶的中間會有扯線木偶走出來，並會演奏澳洲國歌”WALTZING MATILDA”，看鐘面時間就知道我們很遺憾的剛剛錯過了。
我們去咗商場的美食廣場
早上的美食廣場很冷清，因為只有一家BAKERY供應早餐。
兩父女一人吃了一個包，我沒有很餓就只飲了咖啡。等待預備咖啡的時候，櫃台入面有一隻蟑螂，沒想到女店員的反應比客人還大，驚到縮埋一邊，結果要另一另店員過來英雄救美，解決了事件。
上個洗手間，澳洲的商場洗手間係用DYSON乾手機架~
街上面隨便就有張雕晒花超級靚的長椅。
周圍都係教堂係逸逸對墨爾本的其中一個很深刻的印象。