用追夢作為標題好似有點跨張，不過今次旅程的編排確實是為了滿足大家的心願。
不知什麼緣故，逸逸明明平日沒有很喜歡看袋鼠卻一直在說想去澳洲看袋鼠，至於我，去PHILIP ISLAND看企鵝歸巢一直都係我的旅行WISH LIST。本來暑假時已籌劃去澳洲旅行，沖繩露營成了程咬金打亂了計劃。已經去過兩次澳洲的我未曾體驗過夏天的澳洲，縱使聖誕節的機票很貴，也決定將澳洲之行順延到聖誕假期。
今次12天的澳洲之旅基本上用晒逸逸整個聖誕新年假期，回來後休息一天就要上學，所以編排行程時也要安排時間完成那多得嚇人的聖誕假期功課。
我要去MELBOURNE睇企鵝歸巢，恆仔話第一次去澳洲唔去悉尼歌劇院打個咭唔似去過澳洲，黃金海岸是小朋友的天堂，也是體驗澳洲夏天最好的地方，穿梭三個城市又唔想坐太多飛機，上網睇到有人三天自駕遊由MELBOURNE玩到SYDNEY好似幾唔錯，點知編排行程時先發現原來好CRAZY，車程之長簡直搵命搏，不過諗住好似當年去紐西蘭時一樣兩個人輪留駕駛都應付得來，反而因為我地行海線，聖誕假期各個沿海小鎮都係度假勝地，住宿地點貴到嚇死人，不過都已經返唔到轉頭。
搵菊姨幫手訂好機票，自己上網租好車、訂好酒店、亦預訂好去睇企鵝的ONE DAY TOUR，最重要的還有要上網辧好澳洲的簽証ETA。沒有想到原來辦理ETA有點麻煩，不是手續繁複，而是用個APP SCAN護照唔係太SENSITIVE，仲要即時影相，要求又好高，影極都話唔OK，係屋企搵咗唔同角度唔同光線再加埋逸逸要異常合作地個表情唔可以整古做怪……估唔到最後要搞咗一個朝早先搞掂晒一家三口的簽証。
今次自以為熱辣辣的聖誕假期就係冬至的晚上出發了。