離開營地,我們和DEREK一家乘搭彤彤昕昕爸爸的車子出發去今次露營之旅的最後一個活動 – 參觀沖繩兒童王國動物園。
沖繩兒童王國動物園只是距離營地不到20分鐘的車程,非常方便。
因為其他人都是自駕過來,等齊人我地就入場喇~
今天除了參觀動物園之外,小朋友都有特別任務。
就係要幫紙上面的動物畫返個鼻,所以先要入去搵返相關動物,再要觀察下佢地個鼻係咩樣架。
雖然我地要去搵動物,又經過吸引小朋友目光的小火車,但係大家志不在此,我地要去騎馬呀~
今次係逸逸第一次騎馬,去年五月逸逸去大棠有機生態園時連企係馬前面影相都好驚,今次開初都有少少怯,我話都係同轉轉馬差唔多,只係隻馬軟啲,佢勉強接受咗~
上馬時好緊張
出發喇~
500円一次繞兩個超細圈,便宜又可以體驗一下,真係幾唔錯~
我地當日竟然見到一個香港騎師帶孩子來玩騎馬體驗,照計以他們的背景應該係香港都有好多機會可以試到,真係意想不到。
騎完馬隔離200円一次可以餵羊仔牛仔馬仔,不過大家都好似唔多肚餓,得依隻羊想食。
開始去睇動物喇~
好似第一次係動物園見到公雞,原來依隻係琉球唱雞,即係本地特色物種。
馬騮就坐喺參觀者的頭頂好搞笑
松鼠猴媽媽與BB,BB抱住媽媽抱得非常緊,媽媽周圍跳來跳去都無問題。
依隻係係山魈,即係獅子王入面的拉飛奇,佢個鼻成個喇叭咁好搞笑。
依個館主要係展示沖繩本島的物種
最特別的一定是琉球狐蝠,牠們同一般蝙蝠不同,牠們住在樹上,而非陰暗的洞穴,所以晚上在露營場才有機會遇到牠們。雖然我估前一晚我都遇過牠們,但點都及不上今次在動物園如此近距離的接觸。
依度有兩隻初生猴子,出生唔夠一個月。
真係好TINY
教佢捉蚤?
猴子BB食奶奶,唔知點解媽媽係BB食奶奶時成日摸BB個鼻,以前逸逸細個我地想佢放口時都會咁做……
籠與籠之間竟然會有滑梯
仲有依個令逸逸越玩越驚的繩網陣,難怪依度叫做兒童王國,周圍都有嘢玩。
我地同露營團有相遇了,大家一齊參加親親天笁鼠體驗,200円一位,小朋友可以親親天笁鼠,大人可以嘆冷氣。
每個參加的小朋友都獲發一隻天笁鼠
摸摸天笁鼠,逸逸鼓起勇氣用英文發問,得知的她的天笁鼠大約兩至三歲。
好清楚睇到天笁鼠有四隻手指
不過唔講唔知,原來天笁鼠得三隻腳趾架咋~
之後仲可以餵天笁鼠食嘢,餵完逸逸又鼓起勇氣問職員再拎食物,有得親親小動物真係可以激發起怕醜逸逸的潛能。