二零二三年二月十七日(星期五)
我的其中一個旅行WISH LIST就係去睇極光。
暫時未能成行,先去西九文化區睇瑞士藝術家Dan Acher的大型戶外藝術裝置《約定極光》。《約定極光》曾經在全球超過三十個城市巡展,首度來到香港,作品與城市景觀和自然環境交融,把人凝聚和連結起來,締造難忘的共同體驗。
逸逸放學我地就過來,將車泊在ELEMENTS,在超級市場買點餅乾零食就先過來西九文化區藝術公園大草坪野餐。
兩母女影下無聊古怪相
逸逸可以盡情跑跳
依罐HIGHERTHAN 鐵觀音 HIGHBALL雞尾酒都幾難飲。
同大人玩實在太悶,逸逸開始去附近搵小朋友一齊玩。
開始日落喇~隻鹹蛋黃好靚~
睇住個太陽唔見咗
有對姊弟帶咗泡泡機嚟,最鍾意泡泡的逸逸衝埋去一齊玩。
由細到大都係見到泡泡就興奮。
原來向住地下開泡泡機,小泡泡係會變成大泡泡架,奇怪的大泡泡吸引更多小朋友過來。
依個姐姐好搞笑,佢好鍾意整泡泡俾逸逸玩,但係又覺得累,成日想叫佢媽媽整俾逸逸玩,但係佢媽媽見自己個女行開休息梗係唔會ENTERTAIN個唔識既小妹妹,於是姐姐又忍唔住返嚟出泡泡俾逸逸玩。
來到晚上7時,極光終於開始了。
本來捉摸不定、在極地才有機會看到的自然奇觀,靠著光影模擬,定時在鬧市的夜空綻放,且隨著現場天氣狀況,光束的動態、色調、密度等會不斷變化,每刻都獨一無二,巧妙糅合人工與自然。
簡單來說,就是透過噴出煙霧,成為天空的螢光幕,加上現場的微風,模擬著極光的形態。
影下打咭相
煙霧製造機
雖然我未見過極光,不過我覺得應該唔係太似。
唔係當自己去睇極光,而係欣賞一種藝術表演,都係幾有趣的體驗。