根據保安姨姨的指示，我們由香港公園行去香港動植物公園。
見到山頂纜車經過，我地仲未搭過新版的山頂纜車呢﹗
來到香港動植物公園。
又見到笑翠鳥，對於笑翠鳥真係印象好深刻，因為上次係海洋公園見過佢，叫起上嚟真係好似哈哈大笑咁既聲音，不過今次無叫。
仲有唔同的雀仔
經典的噴水池，點解經典，因為小時候我都有跟家人一起在香港動植物公園的噴水池拍照囉。
又熱又餓，我地係度食雪糕雪條，逸逸食提子味唧唧冰。
我就食小時候賣廣告賣得好勁的MAGIC CONE，以前覺得好正，依家食落其實麻麻地。
逸逸話要同兩幅動物畫影相
長樓梯頂係英皇佐治六世，英女皇伊利莎伯二世的爸爸。
穿過時光隧道……
這兒展示了香港動植物公園由1865至1982年的的歷史照片，讓遊人對公園的變遷及發展有更深入的了解。
我們進入香港動植物公園的動物公園。
這些猿猴非常好動，不停爬來爬去。
教育及展覽中心入面有互動遊戲，不過唔夠SENSITIVE，唔係太玩到。
輻紋陸龜
婆羅洲猩猩
環尾狐猴
我們快速的觀賞動物園區的動物，以及想搵白面僧面猴的兩隻猴BB，可惜都係搵唔到。
離開香港動植物公園，本來打算去明愛餐廳吃午餐，點知原來星期日係唔開架~
最後我地行到去雲咸街的DiVino Wine Bar & Restaurant食午餐，食物係好鬼佬的口味，兩父女都麻麻地，我特別鍾意佢既白酒蜆肉意粉，酒味好香，所以其實得我一個真正欣賞，哈哈~
沿住石板街落返中環搭地鐵
恆仔話過開海想去杏花新城逛OUTLET，逸逸係地鐵就瞓咗，到站叫醒佢心情唔好，唯有恆仔自己去逛街，我帶佢係玩下滑梯精神一下。
行完街係麥當勞飲杯嘢就搭地鐵返銅鑼灣去酒店拎行李返屋企，逸逸7歲生日之旅正式完滿結束，下年再見。