去水上樂園玩咗一日真係好累，我地先返酒店休息一下。
逸逸不願外出吃晚餐，於是我自告奮勇出去買外賣，落到酒店樓下轉角發現了一家叫做黑目的日本餐廳，入面顧客唔多不用等位可以直接入座，於是力勸逸逸落樓吃晚餐。
點了澳洲M6和牛鍋物、燒鳥串燒盛合以及吉列豬扒溫泉蛋烏冬，味道都唔錯。
食飽飽就出發去看煙花。
難得住在市區遇上國慶煙花匯演，無理由唔去湊熱鬧。今次係第一次帶逸逸去現場睇維港煙花匯演（年初二煙花都未睇過），跟住人潮去咗維園定銅鑼灣花園近海的位置。本來打算行去灣仔海濱長廊欣賞煙花，不過由酒店行過去都幾遠下。
結果跟隨住警察聚集的位置和人群的走向，我們向著銅鑼灣的海邊走去。
最後落腳地在一個叫做銅鑼灣花園的地方。
我們來的時候其實仲可以過橋去更接近海邊的位置，不過見公園這邊可以站在草地前的第一排，不於留在這意舒舒服服不用人迫人。為了已經無乜體力的逸逸，我們還在FASHION WALK的DAISO買了小椅子，讓逸逸可以坐下等待。FASHION WALK間DAISO真係好大，好有係日本行DAISO的感覺。
煙花開始喇~
站在草地前第一排的逸逸起初還可以自己站在地上欣賞煙花，仲用假相機扮影相添~
梅花圖案
哈哈笑
中國五星旗？
維港煙花同迪士尼煙花真係唔同級數，雖然我地唔算非常近，都睇到逸逸嘩嘩聲~
煙花好精彩，不過一堆無恥又無公德心的人破壞晒心情。
本來企花圃邊緣第一行的我們，睇下睇下就有人企入花圃，仲要企高上大腿咁高的花槽上。
結果遮晒逸逸視線，要恆仔抱住先睇到。
後來連班大男人都迫埋上前
究竟我嚟睇煙花定你地部手機？
睇完煙花返酒店，再次途經維園中秋綵燈會，我地又入去逛下。
今日影下花花和蝴蝶
還有這條美美的紫藤花燈隧道，昨天來時也沒有發現到。
扮金魚的逸逸
返酒店沖完涼，我地就食下零食做宵夜輕鬆一下。