二零二三年七月十九日(星期三)
今天是離開大板的日子，即表示我們要離開這家住了五晚的酒店。
逸逸真係一個好SWEET的孩子，去旅行住市區的話我都是偏向安排住便宜的小酒店，但她不會嫌棄之餘，更加會衷心的去欣賞每一間酒店，例如這家酒店因為無景所以放左扮燈光璀燦的夜景貼紙，逸逸臨走前話好靚要同佢影相。
今早有一個好重要的任務就係洗衫，所以我地先將衫放落洗衣機先至去食早餐。
把握機會再享用一次日式早餐，今次試埋這兒的甜品。
11AM要CHECK OUT，但係11:10AM先洗完衫，我地CHECK OUT之後帶埋行李返去LAUNDRY等拎衫。
LAUNDRY的自動售賣機除了可以買酒精飲品，仲可以買NUTS送酒，我地都買罐NUTS試下，原來連啲NUTS都係凍冰冰架~
搞掂晒我地就坐車去關西機場的前一個站 – 臨空城站，今次我地搭普通特快列車，果然係無位坐，不過好彩逸逸可以坐係行李上面。
係臨空城站的TOURIST INFORMATION CENTRE先寄存行李，然後就輕輕鬆鬆的出發去逛OUTLET。
未去到臨空城OUTLET，先要穿過一個叫做RINKU PLEASURE TOWN SEACLE的商場，這兒的地標摩天輪就係屬於這個商場，如果時間不多的話在這個商場逛逛也不錯，有一家鞋店款式多價格也相宜。
明明唔太肚餓，但見到麥當勞就忍唔住入去。
我地要換開心樂園餐玩具，因為又有係香港特別少見的麥當勞餐廳玩具，其中一款麥當勞姐姐帽咪就係2019年北海道之旅換過的同款玩具囉~
我地只係意思意思的三個人SHARE一份開心樂園麥樂雞餐，不過就係因為係度食咗少少嘢，之後就無後顧之憂咁逛街逛到過晒食飯時間……
煎漢堡機玩具成為今次旅程最愛的隨身玩具
日本麥當勞玩具係隨機發貨，如果拿到不想要的玩具可以放入這個收集箱入面，收集到的玩具可以送給有需要的小朋友，這是很好的安排，香港也可以仿效。
開始去逛OUTLET了﹗臨空城Outlet分成左右邊兩個區塊，佔地很廣，如果要逐家逐家店去逛，應該要逛幾天。
另外不要相信建築物上的品牌，而是看現場的地圖，可能因為品牌的轉換，例如我本來看到GAP的招牌好興奮，點知原來依家臨空城OUTLET係無GAP的。
第一次逛日本的露營用品店，依間係日本品牌LOGOS~
真係好興奮，好似《搖曳露營》入面逛露營用品店的場景。
係度我地買咗個摺叠式水壺，仲買咗張櫈俾逸逸添~
跟住行咗KIT KAT，入面影相好靚，因為KIT KAT口味很，依度最好的地方係可以買一件，方人試多啲口味。
NIKE都買到嘢，我買咗條只係1999円的瑜伽褲，日元紙水低就忍唔住SHOPPING。
配合下小朋友的興趣，我地又去LEGO STORE行下，欣賞下每家LEGO STORE特有的LEGO畫，臨空城OUTLET係機場附近，當然以飛機為主題喇，不過重點係大家見唔見到臨天城地標摩天輪？另外，逸逸玩緊的LEGO車真係會響警號架~
不過，吸引逸逸逗留最耐的還是砌LEGO人仔，樂此不疲。
我地仲行咗另一家露營用品店COLEMAN、CROCS、SANRIO同埋KATE SPADE，我迅間就係KATE SPADE買咗個返工手袋，拎銀包出嚟俾錢時店員見到我都係用KATE SPADE銀包，看起來好興奮﹗
明明支付寶咁方便，點解仲要拎銀包出來俾錢？今日唔知點解係每一間舖頭都用唔到支付寶呀，不過第二日又正常返……
行街行到進入忘我境界，我地搭4:35PM的飛機，2:50PM仲係到影緊BYE BYE相，最重要係我地仲未食午餐架~