二零二二年七月九日(星期六)
星期六遇上好天氣，沒理由不外出走走，於是決定去已經3年沒有去過的濕地公園。3年前快要3歲的逸逸對濕地公園無乜興趣，希望今次佢會鍾意喇~
因為印象中濕地公園車位好易FULL，所以我地搭西鐵轉輕鐵過來，都幾複雜。今次過來發現附近建了多個屋苑，多了很多停車位，而且睇返對上兩次BLOG都係駕車來，亦無提及搵唔到位泊車，下次還是駕車過來比較好。
好靚的行人路，不過好熱。
先玩下濕地公園外的大迷宮
買好票就預備入場了
點都要係依封3D畫留影，逸逸話佢係度扮青蛙喎~
入面多咗一個LEGO濕地公園，都幾靚~
仲有好多用瓦通紙做的濕地動物，好可愛。
又可以同鍾意的濕地動物影下相，影完輸入電郵就會EMAIL返張相俾我地。
逸逸終於夠高玩沼澤歷奇 – 一個以沼澤森林為主題的室內兒童遊樂區，即刻排隊拎籌，再按獲分派時段返嚟玩，我地係差不多12:00PM拎到12:30PM的入場証，可以先周圍逛一下。
好靚的GREEN WALL
我地行咗去溪畔漫遊徑，遇上濕地公園導賞員，靠他們的指示，我們成功看到紅蜻蜓同埋好多隻大蜘蛛，如果唔係佢地我地未必發現到。至於地上面的大蟻就係我地自己發現的，唔發現到都好難，除咗因為好大隻之外，著住拖鞋涼鞋的逸逸和我仲俾佢地咬腳趾同腳板底添﹗
返入遊客中心休息一下等去遊戲室玩，我都特地去咗小賣部買蚊貼，蚊貼明顯比我們預備的蚊怕水有效。
我無著襪，所以由恆仔陪逸逸入去玩，全程15分鐘，梗係玩得好HAPPY喇~
我就去餐廳搵定個無敵靚景位食午餐，睇下逸逸身旁個景係咪好靚先~
餐廳食物都唔錯，配埋個靚景同埋強勁既冷氣，正﹗
食飽就繼續出發，我地先去探下小灣鱷貝貝。
咦~貝貝醒咗喎，仲郁添呀﹗
從來都未見過咁活躍的貝貝，真係好興奮，之後個幾日仲不停SHOW OFF段片俾朋友睇。
欣賞下濕地風景
好濶的天與地
今次我地帶咗部相機嚟，所以可以ZOOM得好近影雀~
再次由溪畔漫遊徑開始我們的濕地之旅，今次啲蜻蜓係我地自己發現到的。
我最鍾意的彈塗魚，點都要影返張合照。
在濕地探索中心可以觀賞棲息於濕地的小動物
好靚既荷花池
觀鳥喇~
影得真係好清楚，好AMAZING，我地已經太耐無帶相機出來，日後真係要好好利用下。
來到我最鍾意的紅樹林
今日見到好多彈塗魚同埋招潮蟹，好開心~
彎彎木橋影相好靚
行到蝴蝶園見到有好多蝴蝶，我地都係度睇咗好耐。
影相靚靚~
來到魚塘觀鳥屋
可以慢慢觀察
今日真係睇到好多唔同種類的鳥類
行完一個圈又返到貝貝之家，貝貝仍然活躍，有導賞員跟我分享貝貝活躍的相片，我當然也跟他分享剛才拍的VIDEO喇~
又熱又累，我地先返室內嘆冷氣休息一下。
參觀訪室中心的展覽廊
仲有WORKSHOP做襟章同埋摺動物，今日真係盡興的一天~