二零二三年七月八日(星期六)
主日學舉辦暑期活動,帶小朋友去參觀挪亞方舟和馬灣消防局,有得玩當然唔會錯過,一年級小朋友可以家長陪同,所以我們一家三口齊參加。
10:15AM聖堂集合,我們就坐旅遊車出發了。唔知係咪承襲上次去朝聖活動時的傳統,就是坐旅遊車時有一個邵神父問答時間,可以問神父問題,結果變咗IQ題時間,逸逸都有舉手問問題:
逸:點解我太婆唔駛刷牙?
神父:因為佢用假牙所以拎出嚟洗
逸:唔係,因為我太婆無牙
哈哈哈哈…..
好快我們就來到今天的第一站:馬灣消防局了﹗大家分小組參觀,K3同小一的小朋友一組,所以絕對是小班教學。
消防員哥哥同小朋友展示消防車入面的設備
接駁氧氣的方式
竟然可以試戴頭盔
拎住接駁住喉管的射咀影相真係好有型
這是俗稱「黃金戰衣」的滅火防護服,可抵禦攝氏1,000度火焰燃燒8秒。
消防員哥哥叫小朋友挑戰下拎唔拎得起重3.9KG的戰衣。
與穿上戰衣的消防員哥哥合照
同朋友仔都唔知玩得幾開心
仲有野玩,樣樣工具都可以俾小朋友試下拎,全部都好重,消防員對於體力的需求真的很大~
小朋友又可以排隊試下捲消防喉,原來都唔簡單架~
消防員收到CALL,就要用最快的時間前往消防車停泊處出動,首先由消防員示範點樣由2樓SIR落嚟,之後就俾小朋友係下面跳返上去夾住扮嘢影相。
與消防員大合照
其實我都是第一次參觀消防局,無諗過原來樣樣都可以摸,樣樣都可以試,互動性極強,仲要成班消防員對班小朋友都好有愛心和耐性,真係好有驚喜呀。