從甲子園回到大阪的酒店，逸逸要好好休息一下，恆仔就要繼續勞動，因為他有任務，就是要去洗衫。
因為今次旅程很長，所以揀酒店的時候是否有COIN LAUNDRY都是其中一個要求。
不過今天我們洗衫唔太順利，恆仔去到的時候大約4:30PM，三部洗衣機入面有一架剛剛開始洗，一架洗緊，另有一架己經洗完未拎衫。4:42PM剛才洗緊的也已經洗完，等到4:59PM來拎返啲衫，我地等咗半個小時終於可以洗衫。
不過重點是4:30PM已經唔知洗完幾耐的那機衫的主人5:00PM都仲未拎返啲衫，阻住其他人使用，真係好無公德心。
洗完衫就去道頓堀食晚餐，去唔成神戶食神戶牛，今晚點都要去食神戶牛，所以揀咗第一晚逛道頓堀時經過見到外賣攤檔賣燒神戶牛很吸引的和ノ宮。
其實我地來之前完全無做功課，只係一腦子熱的要食神戶牛，原來依度係食鐵板燒的~
神戶牛是世界高級牛肉的代名詞，與松阪牛和近江牛並稱為日本三大和牛之一。沒有幼牛一出生即為神戶牛，根據神戶肉流通推進協議會的定義，首先是必須出產於日本兵庫縣的但馬牛肉，再就其身上取得的帶骨肉塊作評審，評選標準包括油花分布程度、成品率等級、肉質等，各方面都滿足一定標準時，便能獲得神戶牛的稱號。
和ノ宮是吉祥集團KISSHO旗下的品牌，該集團在神全國擁有52家神戶牛專賣店，是唯一一家只經營神戶牛的公司，店內使用100%的神戶牛。
店員領我們到樓上的鐵板燒座位坐下，我們先點飲品，選了啤酒和蘋果汁~
為我們SET TABLE
我們選了店內最便宜的西冷牛扒(120G)及特級稀有部位(120G)各一份。
我們的神戶牛上桌了，油花真係好靚。店家拎埋金漆招牌俾客人影相打咭，好明顯店家都好想你幫佢宣傳他的靚牛。
仲主動幫我地同碟牛影相添~
先吃沙律FRESH一下
招呼我們的廚師很健談，一邊烹調一邊主動的逗我們說話，看到逸逸在玩TSUM TSUM時他說這個遊戲在日本也很受歡迎。
依家睇返張相都流口水
廚師會慢慢的分批烹調，可以讓客人每一口吃下的神戶牛肉都是剛剛煮好的。
我們點了兩人份的肉，第一ROUND廚師自動地幫我們將肉分成三份，但當他留意到逸逸沒有動過碟上的肉時，他又自覺地下一ROUND就轉為分兩份，這就是真正貼心的服務了。
神戶牛鐵板燒真係好好食，肉質好嫰肉味好香濃，真係頂級享受，不過美心不足的是我們為了不吃肉的逸逸將餐的白飯轉了炒飯以及紫菜蛋飯，所以去到尾覺得有點膩。
我相信如果配白飯絕對會是PERFECT MATCH﹗
因為我們點了炒飯，所以也可以欣賞廚師炒飯的功架﹗
炒得好乾爽好好味
睇MENU點菜時已經知道紫菜蛋飯係牛角飯的朋友，一定啱逸逸食，果然無胃口的逸逸都賞面食咗半碗(平日應該成碗食晒話要再添)
好貴但滿足的一頓晚餐。
食飽飯我地慢慢散步返酒店。
因為出發前妹妹就叫我們幫她留意麻糬柴犬的精品，在道頓堀的一家手信店終於第一次見到柴犬類商品，立即影相俾妹妹睇，可惜原來佢地唔係麻糬柴犬呢。
佢都幾可愛呀~
影埋逸逸最鍾意的蟹道樂大蟹招牌就返酒店浸浴休息了，我們明天要早起呢﹗