二零二三年八月十九日(星期六)
今天開始去玩了，約好了大家8AM集合再一起吃早餐。
起身喇小寶貝，係陌生的環境都可以成晚自己瞓，叻叻~
我們在酒店的爵‧餐廳享用自助早餐
兩表姐妹手拖手出去拎食物
食物的款式很多，COOKING STATION也很多，除了一般的EGG STATION和麵檔之外，仲可以揀即煎雞扒腸仔，又可以食生滾粥，不過我全部都無試。這兒最吸引我的是麵包，又靚又好味。
最有趣的是可能因為酒店實在太新，食物的擺放位置還未決定好，結果明明早前看中了打算下一ROUND去食，再去已經唔見咗，原來係搬咗位。
一整頓早餐，我們就看著上面相片右上角的那兩位廚師不停地將食物搬來搬去，每搬一次位就又要近看又要遠望還要影相，好搞笑。
一家九口齊齊整整吃早餐
最鍾意係右上角的水果麥皮，YUM YUM~青咇咇的飲品是鮮榨青瓜汁，好FRESH，不過大家都情願揀鮮榨西瓜汁。
食多一盤水果，唔好睇粒芒果咁細，真係又甜又好味架~
這頓早餐我覺得自己食得好健康，哈哈~
餐廳有個PLAY AREA，我仲食緊水果的時候，三個食飽飽的小朋友已經跑左去玩了~
有邊個小朋友會唔鍾意波波池？
係度已經用晒啲電點算？我地仲有下一個節目就係參觀酒店房TOUR喎~
我們首先去參觀妹妹一家的企鵝雪屋房。
嘩~好多企鵝呀~
竟然入面真係有間冰屋，小朋友係度捐出捐入，仲有窗口，真係好過癮~
到此一遊大合照
然後下一站到參觀我們的森林樹屋房。
對小朋友來說簡直係去咗遊樂場咁，爬上爬落你追我逐玩咗成半個鐘。
另一張到此一遊大合照，見唔見到三隻兇猛的動物係後面？
玩到10AM，我們今天的目的地藍鯨世界商場已經開門，我地要出去玩喇~