離開黑門市場，我們繼續向著我們今天的目標迷你四驅車場前進。
我們已經不是第一次到外地玩迷你四驅車了，2017年5月曾經去過東京田宮模型新橋店，2017年12月又去過台北四驅博士學校，2018年4月再去東京時本來諗過再去一次田宮，但係最後因為天氣溫差大行李太多放棄咗，今次恆仔再提出話想去大阪玩迷你四驅車的念頭，仲搵埋迷你四驅車雜誌介紹的店舖，位置竟然就在我們所住的酒店可步行距離，遇上咁可遇不可求的事，今次行李再多我都唔容許他再放棄。
穿過大阪日本橋的民居小巷，非常寧靜舒適，我們發現有很多放租或出售的單位，看來日本的經濟狀況真的不太好。
終於來到SUPER RAJIKON了
SUPER RAJIKON其實是一家模型店，除了恆仔玩開的迷你四驅車之外，仲有遙控車、模型槍、鐵道模型等等，有興趣可以參考下SUPER RAJIKON既網頁。
睇下啲車幾FANCY
這兒當地方仲要超級大，除了賣模型之外，更加多的是林林總總的零件、外殼、工具、顏料、電池、摩打、ENGINE，成間五金舖咁，真係好跨張~
聞歌起舞的逸逸：邊度都可以係舞台 – 想睇逸逸跳舞請按上圖。
POSE
我們今次主要目的是放車，收銀機附近放了放車的價錢，一小時500円、兩小時以上1100円，女士和中學生以下半價。
明明我跟店員說只是玩一小時，不過他還是收了我們無限時的價錢，可能根本店舖都無人手去監察顧客逗留的時間。
SUPER RAJIKON地方真係好大，淨係迷你四驅車都有兩條軌道。
這是簡單版，好似除了我們都沒有看到其他顧客玩依條軌道，不過在這兒設了測速儀，為車子做改裝後可以用這條軌道測試車速。
這是高階版，真是設計複雜的賽道，穩定性夠唔夠就要係依條軌道測試一下了。
為了展現香港特色，今次特地揀了香港的士造型做我們的戰車。
出發
我們的香港的士在賽道上展英姿
大家一齊感受一下我地架香港的士在軌道上飛馳的速度感吧~
不過迷你四驅車真是燒錢的玩意，玩兩玩就要維修~
可能因為今日係星期日，玩車的人很多，還是第一次遇上咁熱鬧的玩車場面。
其他人見逸逸放車，唔駛佢排隊讓佢玩先~
因為恆仔為了減輕行李負擔，所以都無乜帶工具零件，所以我地玩到架的士頂唔順就走了，其實我地只係玩咗40分鐘……
依度除咗可以玩迷你四驅車之外，仲可以玩遙控車同埋飄移車，恆仔返到香港之後一路都話其實好想試下玩飄移車……
玩完車我地去隔離一間叫做JAPAN的超市逛下，平日我們行旅遊區的超級市場有如係香港行一田，依度就係屋邨的百佳，全部都係賣好LOCAL的新鮮食品糧油雜貨。
我們散步返酒店，路經國立文樂劇場，因為外面實在太熱又已經行咗一段路，決定入去參觀一下順便涼下冷氣。
估唔到入面又有依啲有趣的玩意玩下
恆仔話午餐想食拉麵，但係一路上經過的拉麵店又睇唔上眼，主要係湯底太多花款，即係唔夠專無SELLING POINT，返到酒店附近，不如就去食都有拉麵食的大阪王將。
我們一向都是大阪王將的FANS，在東京偶然吃過一次覺得非常好吃，自始家中冰箱一定有一包急凍的大阪王將餃子做儲備，今次來到大阪點都要食返一餐。
我們點了餃子、拉麵、炒飯和炒菜，仲特地為胃口不佳的逸逸點了薯條，點知逸逸只係食咗一條薯條，返而食咗少少炒飯同埋炒菜，你話幾神奇。
食完午餐就返酒店休息，希望逸逸好好休息下，今晚可以再出去玩。
逸逸攪咗好耐先瞓得著覺，我見佢終於睡得比較沉先叫恆仔幫我落去便利店買杯咖啡，點知飲咗幾啖已經醒咗，最後逸逸只係瞓咗一個鐘咋~