二零二三年四月十六日(星期日)
好快就來到旅程的最後一天了。
今天要早起，因為我們今早要搭車返曼谷，盡最後努力試下睇唔睇到日出，可惜還是失望而回。
今日我地7:15AM就去食早餐，估唔到餐廳比我想像中多人。
今日試咗即淥湯粉，都係BAIYOKE SKY HOTEL早餐個湯粉好味啲。
返房再享受一下個露台先
今日繼續係幫趁去程包車一日遊的THK，不過今次只是機場接送。我們今天搭2:45PM的航班，職員好穩陣的幫我們約好8:00AM來接我們。
今次終於預約到7人車了，不過試過去程那豪華的11人車，今次架車坐得好迫。加上司機全程經常性在按電話，駕駛又不穩定，所以今次印象真係麻麻。
因為交通非常順暢的關係，我們10:45AM己經去到機場了。
為了消磨時間，我們先在LAWSON逛逛，買了番梘做手信。
見到潑水節的裝飾影下相，這兒播放住那首今次泰國之旅成日都聽到的傳統泰國新年音樂，個MELODY好易令人入腦，仲會忍唔住跟住唱，結果逸逸係依度聞歌起舞，跳到唔捨得走。
大家都不仿聽下試下會唔會上腦，哈哈~
好不容易拉走逸逸去逛下附近的店舖，好快就被DUNKIN DONUTS那七彩繽紛的DONUT吸引住，靚到明明唔肚餓都忍唔住要買嚟食。
逸逸嗰個閃閃令的DONUT叫做STRAWBERRY ICED SPRINKLES，我嗰個七彩的DONUT叫做COTTON CANDY。
點解叫COTTON CANDY？因為入面有棉花糖架﹗難得平日唔係咁鍾意食棉花糖的我又覺得依個DONUT好好食。
食完嘢就要飲嘢，今次要幫襯長龍店Cha TraMue，雖然依度係機場，但係我發現排隊大部份都係機場的工作人員。
我叫咗甜度70%的泰式奶茶，終於同香港正常甜比較相似，但甜度唔可以再少，如果唔係點似泰式奶茶？
其實我們之前的活動一直都帶住我們的大行李，到咗12:15PM，我地終於可以排隊CHECK IN寄行李了。
機場周圍影下相
話說己經到咗午餐時間，恆仔話好肚餓要食嘢，係喎唔好意思，因為我同逸逸食咗DONUT，所以唔肚餓唔記得咗要食午餐，最後我們選了一家泰國餐廳。
恆仔食咗豬肉船河，我和逸逸SHARE了ANCIENT PAD THAI，飲咗西瓜沙冰同芒果沙冰，最重要係又食咗芒果糯米飯。
到達登機閘口
每次離開泰國之前都要影返張，唔知可以影到幾多歲？
回程的航班我睇咗《TROLL WORLD TOUR》，都幾好睇~
逸逸一邊食飛機餐，一邊再次重溫《DC超寵聯盟》。
4:00PM就食飛機餐，成為了我們的EARLY DINNER。
今次曼谷華欣之旅完滿結束，逸逸己經瘋狂愛上水上樂園了，希望好快會再去泰國玩喇~