二零二三年四月十三日(星期四)
今天我們安排了10小時的包車，沿路一邊玩一邊向華欣進發。
因為疫情的關係，好多原本從事旅遊業的公司都結業了，2019年聖誕我們去芭提雅時的香港包車公司HOSO TOUR已經銷聲匿跡，妹妹幫襯過的台灣公司曼谷包都無咗，早排又好多個案話係柬埔寨、泰國、緬甸、老撾等東南亞國家被禁錮從事非法工作，唔敢隨便上網搵包車公司，最後搵到間同時有係香港註冊的泰國包車公司THK，並聲稱榮獲泰國旅遊局頒發為安全商戶，用中文溝通以WHATSAPP聯絡，令我覺得雖然價錢貴貴地，但係感覺比較值得信賴。
行程安排上都非常苦惱，原來好多以往曼谷和華欣之間的熱門中途站都已經結業和暫停營業，又或者資訊唔太清晰，經過與THK職員的一番溝通，總算定好了行程。THK職員表示由於我們今天的第一站丹能莎朵水上市場河道兩旁的商戶約於中午12時關門，所以出發時間是8AM，好早啊~
今天我們去了81/F的BANGKOK BALCONY吃早餐。
這兒最出名的就昰這個露天的BALCONY，我們今天雖然已經算是來得很早，未夠7:30AM已經上到來，可惜仍然已經坐滿了。
早餐的食物跟昨天去的BANGKOK SKY RESTAURANT差不多，今次試了即煮泰式粉和粥，味道都很不錯。
約好8AM出發，司機7:30AM已在18/F的大堂等我們，還有相片作記認，最方便的就是用同一個WHATSAPP帳號聯絡，出現什麼問題都可以確保可以有人以中文提供協助。
這是今天接載我們的車子。本來我們是想預約7人車的，不過可能因為今天是泰國新年的第一天，BOOKING已經滿額，只有11人車供應，為免麻煩搵過第二間租車，最後都決定俾多啲錢要了11人車。
依架車超級富麗堂皇，坐得真係好舒服。雖然我們三個人都係擠在同一行，不過仍然非常鬆動。
最正的就是車廂有足夠的空間可以伸直雙腳休息，由於今天全日都非常塞車，特別慶幸多付了錢可以享受舒適的環境。
搭長途車都搵啲嘢做下，例如溫習一下形容詞(只係肯全部讀一次)，最後都係花最多時間打SWITCH玩MARIO同埋瞓覺。
車程已經差不多去到丹能莎朵水上市場附近，突然聽到馬路上有熱鬧的聲音……
原來是慶祝潑水節的遊行隊伍
泰國人慶祝潑水節真係好跨張，一盆盆水放晒出嚟預備打水戰咁架~
我們大約10:30AM到達丹能莎朵水上市場，下車後順著走看到第一檔也沒有特別格價就上船了，船程一個小時，包水上市場以及COCONUT FACTORY，可以按自己意願隨時要求船家停在任何攤檔前面。
出發喇~
我們上的是像舢舨的手搖船，沒有摩打的轟隆轟隆聲響，慢慢在河道中間穿梭，特別有風味。
雖然之前來泰國旅行到有去過水上市場，不過都跟這兒完全不同風味。例如2013年跟妹妹去AMPHAWA FLOATING MARKET，當時我地無上船只係岸邊逛；到2018年則一家三口去過大城府水上市場，依次就有上船，不過也是坐完船先去岸邊逛街。所以要數對上一次參觀這種水上市場的經歷，可能要追溯至1989年的時候跟家人一起的泰國之旅了。
色彩繽紛的泰式衣服
進入水上市場之後看到其他提供BOAT SERVICE的店家，
水上市場的初段位置擠滿了各式各樣的美食船，加上遊人的小船，河道非常之擠迫。
船粉、各式水果、芒果糯米飯，每一樣食物看起來都非常吸引。不過我們其實今早食飽早餐，現在也未去到肚餓的狀態，所以叫食物也有點顧慮。
而最後成功吸引我們的就是椰子雪糕，店家仲要花好多心思幫個椰子雪糕扮靚靚，除了用椰青當器皿之外，仲要加上紅色和藍色的椰汁糯米飯，再灑上花生，最後插上蘭花一朵，小販檔都有CAFE質素的擺盤。
第二樣食物是熱辣辣的炸春捲，真係好好食。最好笑係老闆娘臨尾突然間塞多條蕉俾我地，唔通因為我地無講價佢收我地咁多錢唔好意思？
慢慢開始進入零售區，交投氣氛即刻無咁熱烈，最後我地買咗隻象象公仔俾逸逸，店家開價600 Baht，我地還價300 Baht即刻成交，明顯我地又做咗水魚，都無辧法，唯有算喇~
見到依張FRESH COFFEE的BANNER，即刻吸引到我叫船家停低，因為我超級想飲咖啡。杯咖啡味道都唔錯，而且夠晒冰涼，不過最有趣的是恆仔見到店家即時俾回佣我地個船家，好快手。
其實我地個船家都算係比較內歛，從來沒有感覺到佢有任何自己的意願，沒有感覺到任何佢想我們停下看看的店家，令依趟旅程更加輕鬆。
沿路還見到不少畫廊，也有賣香料的、賣蜜糖的……
終於來到可以上岸的COCONUT FACTORY，我們順道在這兒上個洗手間，很乾淨。
煮椰糖的設施
真係有人煮緊
依啲唔知係乜嘢椰子製品
仲有椰子水免費試飲
不過依度主力其實係賣紀念品的地方，我們也欣賞一下。
逛完之後通知店家船號，就會召船家過來接我們。
開始回程，依檔有賣水果的，上面啡色的不知是什麼，好似一舊舊屎咁，哈哈~
上船時幫我們影合照，落船就SELL我地買相架，價錢唔貴又幾靚，就買咗返屋企了。
司機已經係度等我地，仲主動教我地擺POSE拎道具幫我地影咗依兩張相添，靚靚~