二零二三年四月十五日(星期六)
今天是我的生日，首先要祝自己生日快樂。
預約酒店的時候就知道海景露台房是可以看到日出的方向，今早我特地調較5:55AM的鬧鐘起床，可惜天氣不佳未能看到日出。
跟昨天一樣也是9:45AM吃早餐。
今天試了泰式早餐，也吃了我最愛的新鮮雜果。
根據預先編排的行程，本來今天是去華欣沙灘玩水和騎馬，然後在市區吃哲阿姨芒果糯米飯；不過逸逸話好想再去一次水上樂園，昨晚又已經吃到了美味的芒果糯米飯，所以也樂得不用張羅離開酒店的交通。
熟練的借用LOCKER，找到逸逸合適的救生衣就開始玩了﹗
昨晚睇人地玩咗成晚COCONUT BEACH，今日輪到我地喇~未有海浪的時候絕對可以一人一個水泡。
但係有浪的時候都係自己親自黏住逸逸比較有安全感。
玩完COCONUT BEACH就去玩LAZY RIVER，恆仔專門捕足我同逸逸俾水淋的狼狽樣。
下一站又係逸逸特別話要來玩的，就是專為小朋友而設的VANA WONDERLAND，行過去要經過一般遊客的入口，嗰度有人係度派免費沐浴露SAMPLE，我地經過幾次拎咗唔少。
佢係度留咗超級耐
而佢係度玩的時候，心野的我就去咗挑戰巨型滑水梯，今次我試咗用水泡玩紅藍格仔8號的SUPER BOWL以及藍黃相間11號的BOOMERANGO，兩個都刺激好玩得來又唔會驚，於是我終於鼓起勇氣試咗粉紅色的7號FREE FALL，根據介紹FREE FALL有18米高，以時速50公里向下跌落去。依個真係我玩過全場最刺激的滑水梯，亦係唯一一個衝咗水入鼻的玩意，玩之前工作人員特別要我先除下掛在頭上的游泳鏡，可能驚速度太快會鬆脫。
除咗刺激的滑水梯，我仲試咗AQUACOURSE，係繩網陣+射水的COMBINATION，都幾有趣。
返去同兩父女會合之後，我地一齊去返昨日留得最耐的RAINFORTRESS玩。
一齊SIR下各式各樣的滑梯，不過有一次逸逸同恆仔兩個上去玩滑梯，本來逸逸落先，點知恆仔俾人打尖，結果逸逸係下面等極都唔見恆仔，驚到喊起上來，所以係逸逸心目中，泰國人唔排隊好無禮貌。
(請按上圖)
今日我地繼續玩咗N次大水桶，逸逸終於𢦓功坐前咗一個pat pat感受大水桶~
今日決定係水上樂園入面食午餐，我地係COCONUT BEACH搵到張長椅做大本營，恆仔帶住逸逸玩住等我，我就去買食物。
酒店送咗三個代幣可以係水上樂園的攤位換食物，額外的消費也可以簽單記帳。
昨晚特登DOWNLOAD咗張傳單，不過要係水上樂園入面搵依啲攤擋出嚟都唔係簡單。
我首先買了薯條炸雞。
以及三件不同口味的窩夫
不過記帳上出現咗問題，等咗好耐先次確認到我係住客可以安排記帳……
最後我再買多一個PIZZA同一杯可樂，來來回回搞咗25分鐘，終於可以開餐喇~
我地坐係COCONUT BEACH的長椅享用午餐，好好味呀~
食飽飽我地就返酒店了。