之前提過酒店舉辦了一系列慶祝宋干節的活動，我就看中了這個：SONGKRAN NIGHT SLIDER SEAFOOD BBQ BUFFET，當然要坐言起行，今晚的節目就係去食BUFFET了。
活動在今早玩得好開心的VANA NAVA WATER JUNGLE舉行，所以我們又回來了﹗
活動在COCONUT BEACH旁邊舉行，聽著海浪聲食BUFFET真係唔錯。
以遠離廚房的POOL SIDE BUFFET來說，食物非常豐富，各式各樣的即煮攤檔，看得眼花撩亂。不過BUFFET沒有飲品供應，連水都沒有，所以一定要點飲品，我們就點了兩罐汽水。
我們來得好早，未開始食之前去支持一下扭波波的小丑哥哥。
早兩日在ASIATIQUE THE RIVERFRONT見到的扭波波覺得好勁，原來今日依個先係高手，佢整咗個超級靚的HELLO KITTY氣球俾逸逸，個氣球由好多件組件組成，只要三分鐘就攪掂。真係令人嘆為觀止。
現場仲有LIVE BAND，唱歌好好聽~不過如果你想係台前面望住佢地演出就有啲辛苦，因為要抬高個頭，否則後退兩步就要落水了。
睇下個環境幾正﹗泰國日頭好熱，但太陽下山就變得涼快，在戶外用餐也非常舒服。
食物整體都不錯，主要都是各類燒烤食物，當中燒大蝦烤爐魚烤乳豬特別吸引，也有啱逸逸食的炒麵薯條炸雞螺絲粉。
恆仔同逸逸出去一趟又拎咗棉花糖同埋另一款氣球返嚟~
今晚真係志不在食，今次又到我帶咗逸逸去玩FACE PAINTING，成叠圖案任揀~
加埋個COOL COOL的表情睇下幾有型﹗逸逸超級鍾意個FACE PAINTING，仲話下次要再畫，我話平日畫FACE PAINTING好貴架，今日唔駛錢先至可以畫﹗
和熱食相比，我更愛這個水果檔，每次都會切一大碗，我吃了大量的西瓜、菠蘿同埋蓮霧，全部都超級好食﹗
甜品有芒果糯米飯，我同恆仔一人食咗一份，大滿足~
仲有充滿泰國風情的七彩刨冰，可以自選配料，真係超級正﹗
逸逸食甜品梗係揀雪糕喇~仲加咗好多靚靚配料添~
眼濶肚窄，拿到成枱都係食物，仲要全部都係甜的，但係我點都會食晒佢哋架，減肥返香港先算喇~
其實依個BUFFET DINNER係歡迎大家落去COCONUT BEACH玩水架，不過我地無預備任何替換衫。
我係度不斷食的時候，逸逸開始不安份，由企係池邊睇人玩水，慢慢除咗鞋掂下啲水……
開始係淺水區拎水泡玩
最後玩到成身濕晒~不過唔緊要喇，反正天氣咁熱，而且行過對面就可以返到酒店。最重要的是她也很注意安全，沒有走遠至超過水深及膝的地方，都算係乖乖喇~
至於點解會濕晒，只係因為太大浪啫~