時間差不多，我們就入閘等車了。
今次乘搭的南海電鐵rapi:t空港特急竟然還有代言人，他叫做Rapi:tldier關空戰士，官方版的說法他是「為了守護大阪和平而誕生的英雄！」，其實是守護Rapi:t的生意吧！
Rapi:t的設計理念為「復古的未來感」的設計理念，車頭形狀表現列車的快速與力量，加上以飛機為藍本製作的橢圓形車窗，據說鐵路迷稱它為鐵人28。
選擇乘搭Rapi:t而非普通特快列車的原因絕對不是速度，因為往來我們轉車的天下茶屋站其實只快大約10分鐘，等車都無咗。當時我決定要搭Rapi:t除了因為它有指定席之外，還設有大型行李架和頭頂的小型行李架，坐得比較舒服。
不過看到普通特快列車乘客不多，我也覺得不值得等咁耐去搭Rapi:t，今次等咁耐唯一的優點就係花了時間了解國內線Check in及美食廣場的位置，離開大阪那天雖然時間很趕仍然暢順。
我們在天下茶屋站還要轉地下鐵堺筋線搭幾個站去日本橋站才到酒店，幸好日本無障礙設施進步了不少，大部分位置都可以搭乘升降機，不用經常捧着行李上樓梯。
終於來到我們今次入住的SOTETSU GRAND FRESA OSAKA NAMBA，日本橋站6號出口行過來只要3分鐘，非常方便。
這是一間全自助CHECK IN的酒店，自己輸入資料，自己SCAN PASSPORT，自動出房咭和早餐券。
大堂放了一個架子，上面整齊排列各式各樣的用品，除了一般洗手間配置的牙膏牙刷浴帽剃鬚刀化妝棉，連浴鹽面膜都有，好誇張。
房間就是普通的雙床房，不過逸逸開始大個，而日本酒店的床都偏細，下次再去日本可能要開始考慮加床了。
酒店的對面已經是大阪有名的道頓堀，而我們的目標就是道頓堀的跑跑人。
好搶眼的大蟹，蟹爪仲要識郁架﹗
美美的道頓堀川，聽說可以坐遊覽船觀光。
道頓堀是大阪的美食街，從平價壽司、大阪燒、章魚燒、拉麵、蟹肉料理等必吃餐廳都在這條街上，非常熱鬧。
店家的招牌色彩繽紛，設計都非常吸瞔，看得人眼花撩亂。繞了一圈，心入面暗暗的決定要試試章魚燒、串炸、大阪燒、大阪王將餃子以及神戶牛。
街道上仲掛上EXPO 2025的宣傳旗幟，諗起大阪萬國博覽會，真係無可能唔諗起《20世紀少年》。
行咗好耐，終於來到大阪最出名的固力果跑跑人了。
對於從未踏足大阪的我來說，來看固力果跑跑人絕對是朝聖一般的意義，唔影返張認証照點算嚟過大阪？
但係點解逸逸都咁興奮？
因為她聽過一首叫做《如果櫻花正開》的兒歌，係去年暑假參加《奇幻音樂漫遊世界》活動時認識，首歌的MV入面都有固力果跑跑人架﹗其實今次逸逸對於日本的期待，好多都係嚟自依首歌架。
逸逸幫我地影既靚靚合照
之後就開始我地的搵食行程，其實依個時候逸逸已經開始病病唔舒服，好累，唔願行又唔願食嘢。
諗住買蜜瓜包雪糕等佢興奮一下，結果都只係食到一半……
我其實好多嘢都想食，而最想食都就係章魚燒，見依間道頓堀本家好多人排隊，所以我都揀咗佢嚟試，師傅的手勢真係好純熟。
好似係第一次係日本食章魚燒，章魚真係好大粒，不過粉醬食落就味道一般，唔算有驚喜。
見依間舖頭除咗賣章魚燒之外，仲有賣大阪名物串炸，我們叫了一個拼盤坐低食。六款串炸分別是牛肉、魚肉、章魚、大蝦、鵪鶉蛋以及洋蔥，剛剛炸起熱辣辣而且香脆唔油膩，樣樣都好食。
不過這兒的油煙令逸逸咳得好辛苦呢﹗
食飽飽安頓好逸逸瞓覺之後，可以靜靜的享受浸浴，實在太RELAX了，這才是真正的放假呢~