二零二二年十月二日(星期日)
因為假期的關係，更多人入住酒店，餐廳排了長長的隊伍等候入座吃早餐。
多人得好跨張，好彩只係等了一會兒就可以入座。
今日發現粉麵檔原來有提供逸逸的COMFORT BREAKFAST – 火腿通粉，食得特別高興。
來到第二天還有很多食物未試，今日要盡情的吃…吃…吃…
今天的節目是參觀香港歷史博物館
入口位置放了幾組珍貴的婚嫁藏品，原來這是一個名為《囍緣 – 館藏婚嫁文物選粹》的展覽，主要展示本地華人的傳統婚姻禮儀和習俗。其實有很多展品都真的很古老，對我來說手寫菜單是其中一樣已經唔再見到但很令人懷念的東西。
原來博物館現正進行常設展覽更新工程，在新常設展推出之前，就特別佈置了「經典再現－香港故事精華展」，作為原常設展的濃縮版，展示香港由史前時期至1997年回歸祖國的發展歷程。
依家多咗好多拍照區
其實依類茶檔我都無見過，原來客人是坐在長椅上的椅子上，好有趣，是因為以前面太多污水嗎？
懷舊茶室
按時段來排隊可以免費玩製作紀念幣
圖案好靚，如果係旅遊點做一個都唔便宜，旅客可以用來做手信。
零食店
以前去街市買嘢真係會用紙包或者用鹹水草紮住，係後來改用膠袋，依家又話唔環保要搞膠袋徵費，其實繼續用返老方法都幾好呀﹗
屋企一定會有的綠色邊ABC擦膠同埋中華牌鉛筆
「兩個就夠晒數，兩個已經夠晒數」，我阿媽話細個時我係地鐵大聲唱家計會首廣告歌，搞到佢好尷尬喎~依家無人生小朋友，又要調返轉頭鼓勵生育。
我記得以前屋企本郵票簿有最左邊個郵票，依家郵票簿都唔知去咗邊了。
雖然我唔係用依啲書，不過到我讀小學的時候，音樂書都仲係陳遠嫻編著。
依本係古老版香港電視，一直到我青少年時期都仲有得出版。
以前的海洋公園，依家都已經唔同晒喇~
唔知點解，印象中小時候睇過關於日軍佔領香港的歷史片段真係出奇的少見，但近年就好似多返，唔知係咪同政權轉變有關。
英女皇曾經在香港歷史佔有重要的一席位，對於小孩子來說，起碼用的硬幣都有女皇頭像，還有女皇生日學校會放英女皇壽辰假。
1997年正式回歸中國，當年我人在英國，是在英國的電視節目上觀看交接儀式的。
今次參觀香港歷史博物館有一件令我非常震撼的事，就是我驚覺原來自己真的已經老了，因為參觀的時候好多展品都可以同逸逸講：媽媽小時候係咁樣咁樣架，我的童年已經成為香港的歷史，真係好恐怖呀﹗