自從逸逸係屋企睇過Running Man 光洙叔叔同大鱷魚Chopper玩遊戲之後，逸逸會話不如爸爸媽媽逸逸一齊去呀。
一個和逸逸一起放假的平日，我們終於帶逸逸去左濕地公園，不過去玩之前當然要食番個靚早餐。
平日的早上也要等位的華嫂，對上一次食已經是逸逸出世之前的事了。
食華嫂一定唔可以錯過的招牌菠蘿包以及招牌芝士咸牛肉蛋豬仔包，仲有可以同逸逸分享凍檸檬益力多，好味道。
其實我地仲叫左雞翼通粉～
食飽就駕車去濕地公園，第一站就去睇貝貝。
可惜貝貝一點也不動，只是睡著曬太陽，期望睇的鱷魚應該有如CHOPPER般活躍，不知逸逸有無失望呢？
貝貝之家到此一遊
因為天氣又熱又曬，逸逸開始累不願行，爸爸媽媽又不願抱，最後睇完鱷魚就直接轉入室內的展館。前往展館途中及進入展館之後，分別同逸逸睇左雀雀同魚魚，逸逸會話：「好驚魚魚咬逸逸」、「好驚雀雀咬逸逸」，但從來無講過驚鱷魚，好奇怪的小朋友。
今次參觀展館最大的得著就是睇到鼷鹿，鼷鹿是全世界最細的鹿，職員唔主動講都無留意到，因為我成日覺得除左魚缸入面的魚之外，所有動物都是假的。
匆匆在展館逛了一會兒，就帶逸逸去左兒童天地玩玩具。
我們在這兒逗留了頗長的時間，玩玩具、睇書書講故事無限Loop之後，直至逸逸眼仔都無晒神我地就強制她離開。
今次濕地公園之行的總結是除左鱷魚同玩玩具之外，逸逸對濕地公園零興趣。