出發去玩囉~我們的第一站是香港仔海濱公園，當然是慢慢散步過去。
經過鴨脷洲大橋(北端)兒童遊樂場，逸逸例牌要玩一次滑梯，不過佢真係好乖只係玩一次，唔會唔肯走。
巴士總站附近有教會在唱詩歌傳教，可惜反應有點冷淡，支持者只有我們一家。
貨真價實的漁船
香港仔海濱公園沿路有很多以漁港為主題的雕塑
乜原來香港仔有船去南丫島同埋蒲台島？真係第一次知道，去玩幾方便喎~
恆仔每次都被學開船的廣告所吸引，諗返起當年去黃金海岸遊艇會參觀都有同樣的感覺，不過最後都係得個講字。
原來十多年前旅遊事務局曾研究將香港仔海濱打造成香港「築地」，不過經研究後發現在商業、財務及對遊客吸引力上均不可行，擱置項目，不過也有個別攤檔營造相類似的感覺。
大帆船裝飾和舢舨坐椅都好有特色，逸逸仲扮開船添~
太白海鮮舫、珍寶海鮮舫以及海角皇宮的碼頭，已經全部成為歷史。我們到訪當日珍寶海鮮舫只是因為疫情停業，還以為總有一天會有機會到訪，沒想到最終一個月後卻在南海沉末了。
香仔海濱公園的盡頭就是香港仔漁類批發市場，這時已經中午時份，什麼都看不到了。
今次我們在香港仔魚類批發市場街渡碼頭(珍寶碼頭)搭街渡去鴨脷洲。
在昨日同一地點，我地又見到賣船麵的舢舨，梗係要排隊喇~問返排隊既恆仔，其實因為無餐牌所以都係聽下其他人點樣點餐，據說價錢大約係$3X一碗，有得加錢要雞脾或鵝脾，有叉燒、魚蛋，也有不同粉麵的選擇，後來又聽到前面有個婆婆話要碗雜河就咩都會有喎……
恆仔排隊買船麵，我就帶逸逸係鴨脷洲風之塔公園的遊樂場玩。現時正值正午、在遊樂場玩的小朋友不多，有隻貓在滑梯下面睡懶覺，小朋友們包括逸逸都對小貓特別有興趣。
等咗半個鐘，終於有得食喇，我地係公園搵咗個陰涼的位置開餐。
最後我地叫了一碗雜河，仲加咗$20轉雞脾添﹗船麵材料好豐富，湯底好濃郁，係粗獷的風味﹗
公園廣場有個指南針，逸逸企既方向就係屯門的青山灣了。
淨係食一碗船麵梗係唔夠飽，我地去咗利東商場的薩莉亞食今日午餐的下半場。