二零二二年四月十三日(星期三)
今年生日正日遇上受難節，要守大小齋，所以提早慶祝，恆仔叫我留意一下想吃什麼。正如老友阿高所說，仲有咩屋企附近的外賣未食過？已經沒有驚喜。想食美味的片皮鴨，要山長水遠的從九龍送回屯門都已經凍晒唔好食。
見到迪士尼酒店最近宣傳他們的外賣套餐，當中的閨蜜時刻下午茶禮盒外賣幾吸引，就不如就近近地來一個HIGH TEA喇~
本來看天氣報告說這天會下雨，結果下午天氣好轉，不如去戶外享受一下新鮮空氣。經過迪欣湖要排隊入停車場，最後都係返去我們近期最愛的浩和街草地。
自從愛上露營之後，我們車尾箱放的都是戶外活動用品，輕便帳篷同埋野餐墊隨時都READY。
雖然唔係三層架，不過擺盤都非常精美，成功保持到HIGH TEA最緊要靚的精髓，而且味道都唔錯。
係杯特飲難飲咗啲，早知要返咖啡同凍檸茶喇~
今日遊人唔多，大家都係悠悠閒閒的，加上有啲太陽有啲風，坐係草地上面野餐真係一流的享受。
食完嘢我地放風箏，今日既風真係好適合放風箏，輕易就將風箏放上天空，仲要放盡晒啲線，可能係我咁大個女放風箏最成功的一次。
逸逸攝影師幫我們影的合照。