逸逸運動場跑圈初體驗 Posted on 2022-04-04 由 Catherine 一個11月中秋涼的晚上,又是我們兩母女獨處的日子,好多鬼主意的我決定帶逸逸去運動場跑下步。 近近地就去鄧肇堅運動場,可以搭輕鐵過去。 疫情關係,運動場要限人數,要掃安心出行,場內有幾多人一目了然,無諗過原來夜晚都幾多人出來跑步。 我地係運動場跑圈 跑完一個圈就停低休息,做下伸展運動。 同埋飲下嘢 依個晚上,我地竟然跑下行下總共有六個圈,即係2400米呀,勁﹗ 扮賽跑POSE 又話無晒力先走,一去到巴士站又當馬騮架咁爬……真係好貪玩。 Comments comments