參家完韓國米酒釀造工作坊就先返房，逸逸仲瞓緊覺。
職員送了一盆水果到我們房間，咁好既？
又送了生日咭和生日禮物到媽媽的房間，生日咭還是是親筆書寫，特別令人感動。聽媽媽說才知道入住登記時前台只跟她說會送她水果盤，結果沒有見到水果盆郤收到禮物，原來我們房間的水果盆也是送給媽媽的。
約左8:00PM先食BUFFET，曉曉做完功課，逸逸瞓醒晏覺，大家都READY就一齊出去行下。
酒店LOBBY靚靚的黃金銀杏樹可以影下相
知道酒店有戶外兒童遊樂設施，我地去逛下，結果見到韓國觀光公社韓國觀光代表吉祥物KINGDOM FRIENDS的打咭位。
佢叫做虎宗(HOJONG)
佢地兩個就叫做武熊(MUGO)以及鵲尼(KAWOO)
三個小朋友排排座
曾經在東大門紅極一時的LED玫瑰真係好靚
小朋友都係遊樂場玩咗一陣滑梯同搖搖馬，仲有同公公婆婆一齊動腦筋玩拼圖。
天氣都幾凍，不過泳池仍然開放，我地都見到人游水。泳池的對面是宴會廳，正在舉行婚宴，新郎新娘打扮好有型格呀﹗
酒店對面就係香港中文大學醫院，好有《機智醫生生活》入面律帝醫院個FEEL。
小朋友已經好肚餓，係大學站旁邊鴻福堂買咗燒賣頂下肚。
餐廳門口等開餐 – 餐廳的BOOKING好FULL，想早啲入去都無辦法。
今晚主題係韓式風味自助晚餐
每個小朋友送一份小手工，係牛牛嚟嫁﹗
製成品
BOOK位時已預留了D區的位置，即我們一行九人可以一起坐。餐廳安排了六位+四位的梳化卡位，三個小朋友堅持要一齊坐，照顧者又要坐埋一齊，結果爸爸媽媽撐枱腳，我們兩家七個人迫埋坐六個位。
食物真係好有韓式風味，各式前菜，最特別係連部隊鍋都有。當然，一般的海鮮冷盆刺身沙律都齊備。
中式食物最正就係花膠鮑魚，好飽滿啖啖肉﹗另外鵝乾多士都出奇的唔錯。
甜品款式也很多，但韓式甜品特別吸引令我想試下，人參蜜糖慕斯蛋糕、紅棗花生芝麻曲奇、南瓜紅棗忌廉蛋糕……樣樣都唔錯喎~其實我仲食咗久遺了的馬蹄露和一向都超級鍾意的朱古力香蕉PANCAKE，飽到上心口~
不過食物就唔係太啱逸逸，佢基本上係食河粉食飽，最搞笑係因為逸逸食河粉，連平日食BUFFET好少食湯粉麵的曉曉和詩詩都話要食河粉。
原來依家流行帶大公仔去住酒店架﹗逸逸見到表姐影相佢又話要影喎~