二零二一年十月十四日(星期四)
瞓醒一覺,逸逸昨晚跌親整到個頭仔都無特別問題,放心晒。
其實間酒店裝修真係好有古典歐洲風,同我地平日住開現代化酒店的設計很不一樣。
所以周圍都係影相位
我地今次是為了不用吃過晚飯要趕回屯門先至住酒店,主要以便宜為主,即房價只比搭的士返去貴少少的意思,當然沒有在酒店加購早餐增加成本。
我們隨便在酒店附近的茶記金域冰廳吃早餐,味道正常。
比較吸引我注意的是餐廳有型男餐和索女餐,睇落又真係配合男士同女士的口味,有趣。
食完早餐返酒店執行李CHECK OUT,我們寄放行李在酒店之後就在附近隨便逛一下,重點當然係要返去皇室堡影昨日圍封了的百變小櫻的展覽。
今日再走在銅鑼灣的街上,人山人海,回復繁華的感覺,跟昨日完全兩個樣子。
每次經過銅鑼灣IKEA都忍唔住入去逛下,我坐咗一張睇起嚟平平無奇的辦公室椅,覺得好舒服,望一望價錢,原來一點也不平平無奇,貴嘢來的,真係睇唔出,但好明顯質素已反映在價錢上面。
樣樣睇落都好有趣
終於返嚟皇室堡同基路仔影相,打晒燈真係唔同晒,好靚﹗
基路仔真係好可愛喎,我地都無乜點理卡通的主角小櫻,不過睇成個展覽的SETTING,應該都係基路仔比較受觀迎。
仲有靚靚馬卡龍,不過實在太貴喇,買唔落手。
我地再係附近的舖頭逛下
逸逸也有今次旅程的紀念品,就係天笁鼠車車ABBEY了。
最後一個目的地是位於世貿中心附近的N VIOLET,一家專賣紫色貨品的小店。
作為一個紫色控,我一早已經係FACEBOOK留意咗佢好耐,難得大鄉里出城,終於來朝聖了。入面真係好靚,職員也很NICE,我也在這兒買了一個紫色的背囊,很可惜沒有在入面拍照,下次再出開銅鑼灣一定要再去逛下。
MIRROR大大的廣告板,他們果然係依家最紅的明星。
曾幾何時道地的代言人長期都係劉德華,所以特別留意道地的廣告,上網SEARCH一下依個看起來很知性的陌生臉孔,原來係唱作男歌手林家謙,我有聽過佢個名喎。
其實依類型廣告係屯門依啲鄉下地方真係睇唔到架。
逸逸下午還要趕回屯門學跳舞,我地逛完街就搭巴士返屋企了。