二零二一年十月十三日(星期三)
為了慶祝結婚14週年，預約了位於灣仔合和中心的自助山吃晚飯，翌日正好是重陽節假期，為免在港島區吃完晚飯還要長途跋涉的返回屯門，不如找家價格相宜的酒店住一晚。
結果連續第二年結婚週年遇上八號風球，逸逸不用返學，一直忐忑要著帶著5歲的小朋友在八號風球之下出門好像很瘋狂，更擔心出門時遇上剛落風球全世界趕上班的人潮，又不知道自助山八號風球是否仍然營業，總之就是由早一晚八號風球掛起就開始心緒不寧。
見到外面沒有狂風暴雨的情況，還是早些出門比較穩陣。
意想不到的是我們因禍得福，因為八號風球很少人搭車，由屯門去到銅鑼灣都舒舒服服，全程有位坐。
途經香港站正好遇上東奧「動」人時刻展覽。今屆東京奧運會政府購入電視轉播權交由本地五間持有電視牌照的廣播機構播放，全港市民可免費收看奧運賽事，投入度已經大增，加上今屆奧運取得前所未有的佳績，特別令人興奮。
有幸觀賞了每一個得獎健兒的比賽過程，看到他們領獎的一刻特別感動。
有無日光日白見過咁空曠的中環站？
仲可以擺晒POSE影相
去到銅鑼灣站見到才剛開幕的水上樂園廣告，好似好吸引咁喎。
仲有五彩天(電)梯添！我哋真係大鄉里出城，依啲都影相都記低係個blog度。
我哋今次平平哋入住富豪香港酒店，$520一晚係銅鑼灣區住5星級酒店真係抵到爛，不過無諗過點解個Counter可以咁老臨，而且職員的服務都好普通，起碼感覺無最近入住的Holiday Inn或帝京酒店咁專業和親切。
Lobby樓底夠高，佈置採用歐陸古典瑰麗優雅風格，又幾有氣派嘅。
太早過來未可以上房間，我們寄存好行李就先去吃午餐。
因為知道皇室堡有百變小櫻的展覽，特地帶喜歡基路仔的逸逸過來，諗住雖然是八號風球，只是拍照應該無分是否關閉，沒想到場地不單圍封了，還沒有亮燈，明天再來吧！
大部分店舖都無開，我們唯有WINDOW SHOPPING一下。
睇吓嘢影吓相都唔錯
商業區真的和住宅區不同，屯門市廣場在八號風球之下我諗有九成食肆繼續營業，皇室堡可能一半都無。
不過食客也不多就是了，我們竟然可以不用排隊食到牛角，這是平常不可能發生的事。今餐的最大亮點就係逸逸一個人食咗一碗香蔥溫泉玉子飯，真係誇張。
食飽返到酒店就有房了，房間真係好大，張床又濶又舒服。
仲有個大浴缸
只要忘記Lobby的Counter，加埋優越的地理位置，再諗埋個價錢，其實依間酒店真係好抵住。
逸逸繼續登上她的大舞台，今次個VIEW真係唔錯。
平日兩父女去到酒店，一個就想休息，一個就想睇電視，兩個都唔願出門，要心野媽媽出動迫佢哋出發去玩。今日就唔同了，因為八號風球無行程，ENJOY！